Хишиг арвин индустриал ХХК ''уучлал''-аа хэвлэлүүдээр төлбөртэй нийтлүүлж байна

Иргэн Б.Болороогийн нөхөр амиа алдсан хэрэг гарч, дөрвөн сарын хугацаа өнгөрсөн байхад Хишиг арвин индустриал ХХК-ийн зүгээс ганц ч удаа уучлал гуйгаагүй өнөөдөрт хүрсэн. Харин энэ сарын 1-ний өдрөөс зарим өдөр тутмын хэвлэлээр "уучлал" нийтлүүлснийг талийгаачийн ар гэрийнхэн доромжлол гэж үзэж байна. Учир нь уучлал гуйх учиртай хүмүүс нь энэ үгийг сонсолгүй өнөөдөрт хүрсэн юм. Тэгвэл Хишиг арвин индустриал ХХК нь дээрх "уучлал" гэгчийг хэвлэл мэдээллийн хэрэгслүүдээр төлбөртэй нийтлүүлж байна. Энэ саналыг манай редакцид ч тавьсан болно. Хүний алтан амь эрсдэж, багагүй хугацаа өнгөрөөд байхад уучлал гуйх эзэддээ хүрээгүй уучлалыг бид нийтлэхээс татгалзсан болно.