2020/07/12
USD 2,811

​Өмнөд Солонгосын эдийн засгийн өсөлт ойрын жилүүдэд буурна

О.Шүрэнцэцэг
2019/11/15

Эдийн засгийн хамтын ажиллагаа ба хөгжлийн байгууллагаас Өмнөд Солонгосын Эдийн засгийн идэвхийн дагалдах урьдчилсан индикатор /CLI/ нь ахин бурсан тухай мэдээлснийг "Yonhap" агентлаг уламжилжээ. "CLI" индексийг аж үйлдвэрлэл, ДНБ, үл хөдлөх хөрөнгө ба санхүүгийн үзүүлэлтүүдийн үндэслэн тооцож гаргадаг. CLI нь өнгөрсөн жил 100 хувь хүрнээс хойш тасралтгүй буурч байгаа бөгөөд есдүгээр сарын сүүлээр 98,69 хувь болсон нь наймдугаар сарынхаас 0,09 хувь буурсан үзүүлэлт гэж байна. Энэ бол ойрын хэдэн жилд Өмнөд Солонгосын эдийн засгийн идэвх буурах нь таагүй нөхцөл бүрэлдсэн үед эдийн засгийг уналтад ч оруулж магадгүй аж. АНУ ба БНХАУ хоорондын худалдааны дайн, Өмнөд Солонгост үйлдвэрлэсэн бичил процессор ба электрон барааны эрэлт унасан, Японы зүгээс авсан экспортын хязгаарлалт зэрэг хүчин зүйлс нь CLI индекс унахад хүргэжээ. Түүнчлэн Эдийн засгийн хамтын ажиллагаа ба хөгжлийн байгууллагаас Өмнөд Солонгосын ДНБ-ий өсөлтийг энэ жилийн 2,3 хувь байгаагаас 2020 онд 2,1 хувь болж буурна гэж тооцоолсон байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна