Европын холбооны комиссоос гаргасан намрын тайланд Шведийн эдийн засаг хамгийн хүнд байдалд ороод байгааг заасан тухай Шведийн "Fria Tider" сонин мэдээлжээ. Швед нь эдийн засгийн өсөлт ба ажилгүйдэл гэсэн хоёр үзүүлэлтээрээ Еврпын холбоондоо онц байдал зарлах хэмжээнд хүрээд байгаа гэж байна. Сүүлийн саруудын эдийн засгийн үзүүлэлтүүд нь Шведэд ажилгүйдэл улам бүр нэмэгдэж, эдийн засгийн өсөлт нь огцом унахтай зэрэгцээд шведкроны ханш нэлээд унасныг харуулжээ. Европын комиссоос гаргасан тайланд дараа жил Шведийн эдийн засгийн өсөлт ердөө 1 хувь байна гэж тооцсон байна. Гэтэл 2018 онд Шведийн эдийн засгийн өсөлт 1,7 хувь байсан. Эдийн засгийнхаа өсөлтөөр Итали улс л Шведээс доогуур байх төлөвтэй гарсан аж. Италийн эдийн засгийн өсөлт 2020 онд 0,4 хувьтай байх аж.
Сэтгэгдэл (0)
Сэтгэгдэл бичигдээгүй байна