Цагдаагийн байгууллагад энэ оны эхний 10 сарын байдлаар 4125 залилангийн гэмт хэрэг бүртгэгдсэн байна. Үүний ихэнх хувийг цахим залилан эзэлж байна. Тодруулбал, олны танил хүмүүсийн зургийг ашиглан уралдаан зарлаж, шагналын 10 хувийг буцааж авах тул мөнгөө шилжүүлнэ үү... гэх мэтээр залилдаг этгээдүүдийг Сонгинохайрхан дүүрэг дэх цагдаагийн нэгдүгээр хэлтсийн Эрүүгийн хэлтсийн алба хаагчид илрүүлсэн байна.Тэд 2000 оны гурван залуу байсан бөгөөд ихэвчлэн дансандаа мөнгө байршуулж, бусдыг залилдаг байжээ. Урьдчилсан байдлаар 166 хохирогч тус бүр 56 мянган төгрөг шилжүүлснийг тогтоосон байна.
Олны танил хүмүүсийн нэр, зургийг ашиглан хуурамч хуудас нээж, иргэдийг залилан мэхэлж байсан этгээдүүдийг Сонгинохайрхан дүүргийн цагдаагийн I хэлтсийн эрүүгийн тасгийн алба хаагчид илрүүлэн шалгаж байна. Энэ төрлийн үйлдлээр хохирсон иргэд Сонгинохайрхан дүүргийн цагдаагийн хэлтэст хандахыг хүсч байна.
Сэтгэгдэл (0)
Сэтгэгдэл бичигдээгүй байна