Д.Одбаяр цэцийн зургаан гишүүнтэйгээ таван цаг орчим хуралдаад, хаалга саван гарчээ 2019 оны арваннэгдүгээр сарын 15-нд буюу өнөөдөр "Үндсэн хуулийн цэц"-ийн нэр бүхий гишүүд нэгдээд даргаа огцруулах, түүнд хариуцлага тооцох асуудлыг хөндөхөөр Д.Одбаяртай таван цаг орчим хугацаанд хуралджээ. Хурал "Үндсэн хуулийн цэц"-ийн гишүүн Б.Буяндэлгэрийн өрөөнд болсон юм. Цэцийн зарим гишүүд Д.Одбаярын зохисгүй үйлдлийг шүүмжилж, цэцийн даргын ажлаа сайн дураараа өгөхийг ятгасан аж. Харин Д.Одбаярын тухайд "Миний асуудал хоёр улсын хоорондын харилцаа болж байгаа. Солонгос улсын тагнуулын байгууллагаас миний бичлэгийг зориуд хийсэн энэ тухайгаа ҮАБЗ-д танилцуулна" гэжээ.
Тус хуралд ҮХЦ-ийн гишүүн Н.Чинбат нь АНУ-д томилолттой учир оролцоогүй бол Г.Баясгалан ирээгүй аж. Ирэх долоо хоногийн даваа гаригт хийх хэвлэлийн бага хурлынхаа талаар ярьсан бөгөөд Д.Одбаяр нь хэлэхдээ "Энэ асуудалд огт буруугүй гэж олон нийтэд мэдэгдэнэ. Хэрвээ миний энэ байдлыг ашиглаад намайг огцруулна гэж бодож байгаа бол санасны гарз шүү, би огцрохгүй намын удирдлагуудтай уулзах болно" гэж хэлээд хаалга саван гарсан тухай мэдээлэл ирлээ. Хурал 17:20 минут орчим эхэлж дөнгөж саяхан дууссан байна. Цэцийн гишүүдийн олонхийн саналаар даргыг нь огцруулах хуулийн заалт мөрдөгдөж буй.
19°C
Сэтгэгдэл (280)