​Гурван ихэр төрвөл хүүхэд тус бүрд 700 доллар өгнө

Киргизийн Засгийн газар гурав ба түүнээс олон ихэр төрсөн тохиолдолд хүүхэд бүрд 50 мянган сом буюу ойролцоогоор 710 долларын тэтгэлэг олгож байхаар болжээ. Энэ тухай Киргизийн Засгийн газрын мэдээлэл хангамжийн албанаас мэдээлсэн байна. Халамжийг энэ оны арванхоёрдугаар сарын 1-ээс эхлэн хүчин төгөлдөр болох аж. Нялх хүүхэдтэй өрхүүдэд нийгэм эдийн засгийн дэмжлэг үзүүлэх хүрээнд ийм арга хэмжээ авсан гэж байна. Тэтгэмжийн мөнгийг гэр бүлийн орлог, нийгмийн байр суурийг үл харгалзан олгох аж. Киргизийн төсвийн зардал нь өнгөрсөн аравдугаар сарын байдлаар 166 сая доллар байгаагаас нийгмийн халамж, тэтгэлэг олгоход 12 сая доллар зарцуулаад байгаа аж.