''CU'' сүлжээ дэлгүүрийн салбарт зөрчлийн хэрэг нээж, торгуулийн шийтгэл оногдуулав

НМХГ-т ирүүлсэн иргэний гомдлын дагуу Сүхбаатар дүүргийн 4-р хороонд байршилтай CU сүлжээ дэлгүүрийн салбарт эрүүл ахуй, халдвар хамгааллын хяналтын чиглэлээр шалгалт хийжээ. Энэ нь City Plaza барилгын нэг давхар дахь, CU сүлжээний 12 дахь салбар юм.

Шалгалтаар тус салбарт Хотдог нэрийн хоол хийн худалдаалахдаа эрүүл ахуйн холбогдох дадал нэвтрүүлээгүй гэх зөрчил илэрсэн байна. Үүнд үндэслэн Зөрчлийн тухай хуулийн тусгай ангийн 6.15-р зүйлийн 5.2 дахь заалтын дагуу зөрчлийн хэрэг нээж, торгуулийн шийтгэл оногдуулсан байна.