Шүүхийн ерөнхий зөвлөлийн даргаар Э.Батбаярыг томилоод удаагүй байна. Тэгвэл шинэ дарга ирснээр зарим хүмүүсийг албан тушаалаас нь чөлөөлж эхэлсэн байна. Тодруулбал, Шүүхийн ерөнхий зөвлөлийн Хэргийн хөдөлгөөний удирдлагын хэлтсийн ерөнхий зөвлөх, гавьяат хуульч Б.Сарантуяаг чөлөөлөх шийдвэрийг өчигдөр гаргажээ. Гавьяат хуульч Б.Сарантуяа нь Шүүхийн ерөнхий зөвлөлийн Хэргийн хөдөлгөөний ерөнхий зохицуулагчаар гэрээгээр ажиллаж байсан бөгөөд гэрээний хугацаа дууссан шалтгаанаар албан тушаалаас нь чөлөөлсөн гэдэг мэдээллийг ШЕЗ-өөс өгч байна. Хуулийн салбарт 43 жил ажиллаж байгаа хуульч Б.Сарантуяа нь Салхитын мөнгөний ордын хэрэгт шалгагдаж байгаа талаар бид өмнө мэдээлж байсан билээ.
Тодруулбал, Дундговь аймгийн Гурвансайхан сумын нутагт орших Салхитын мөнгөний ордтой холбоотой хэрэгт холбогдуулан 17 шүүгчийн бүрэн эрхийг түдгэлзүүлэн шалгаж байгаа билээ. Дээрх хэрэгтэй холбогдуулан Шүүхийн ерөнхий зөвлөлийн гишүүн, Нийслэлийн шүүхийн ерөнхий шүүгч асан, Гавьяат хуульч Б.Сарантуяа болон түүний хүү, нийслэлийн Иргэний хэргийн давж заалдах шатны шүүхийн шүүгч Г.Даваадорж нарыг АТГ-ын Мөрдөн шалгах хэлтэст шалгаж эхэлсэн байна. Тэднийг үндэслэлгүй хөрөнгөжсөн байж болзошгүй гэж үзэн шалгаж байгаа гэх мэдээлэл бий.
Сэтгэгдэл (0)
Сэтгэгдэл бичигдээгүй байна