Филиппиний Ерөнхийлөгч РодригоДутертеулс даяар электрон тамхи татахыг хориглох тухайгаа мэдэгдсэнээс хэдхэн цагий дараа цагдаагийн газрын дарга нь олон нийтийн газар вейп татсан хүмүүсийг баривчлан, тамхийг нь хурааж авч байх тушаал авсан тухай "Le Figaro" сонин мэдээлсэн байна.
Дутерте нь электрон тамхийг хортой гэж нэрлээд Филиппиний нутаг дээр олон нийтийн газар ийм тамхи татсан хэнийг ч болов баривчлахад бэлэн гэж анхааруулсан байна. Үүний дараанаас Филиппиний Цагдаагийн газрын дарга нь Ерөнхийлөгчөөс тушаал авсан гээд электрон тамхи татахыг нэн даруй хориглож байгааг албан ёсоор мэдэгдэж, татаж байгаа хүмүүсийг баривчлах зааврыг улс даяарх цагдаагийн салбаруудад хүргүүлсэн тухайгаа мэдэгджээ.
Ерөнхийлөгч Дутерте хар тамхины наймаатай эрс хатуу тэмцэхээр амлаад хар тамхи наймаалсан хүмүүсийг таарсан газар нь шууд буудан хороож байх тушаал өгсөн гэдгээрээ зарай хүн. Иймд электрон тамхийг хориглох, олон нийтийн газар татахтай хийх тэмцэл нь хар тамхитай хийсэн тэмцлээс дутахааргүй ширүүн явж магадгүй. Дутерте нь 2016 онд ердийн тамхи татахад эрс хатуу хязгаарлалт, хориг цээр тогтоосноор Филиппин нь тамхины эсрэг хамгийн хатуу хуультай улс болоод байсан юм.
Сэтгэгдэл (0)
Сэтгэгдэл бичигдээгүй байна