2020/07/07
USD 2,811

Конгод нутгийн иргэд НҮБ-ийн энхийг сахиулагчдын байрлалыг дайран эзэлжээ

О.Шүрэнцэцэг
2019/11/26

Африкийн Конго улсын Бени хотоос холгүй байрладаг НҮБ-ын энхийг сахиулагчдын төвийг нутгийн иргэд дайрч эзэлсэн тухай "Agence France Presse" агентлаг мэдээлсэн байна. Энхийг сахиулагчид нутгийн оршин суугчдыг лалын шашинт босогчдын дайралтаас хамгаалж чадахгүй байгаад уурласан нутгийн иргэд дайрч эзлээд шатаасан гэж байна. Уурлаж хилэгнэсэн олон зуун жагсагчдыг орон нутгийн цагдаа нар галт зэвсэг хэрэглэн тогтоон барих гэж оролдсон ч дийлээгүй аж. Үймээнээс болж хоёр цагдаа, нэг жагсагч амиа алдсан байна. Жагсагчид эхэндээ хотын төвд үймээн дэгдээж дэлгүүр лангуу тонож байгаад энхийг сахиулагчдыг байршил руу чиглэсэн бөгөөд энэ зуур энхийг сахиулагчдыг аюулгүй газар руу нүүлгэж амжсан тул хүн хүчний хохирол амсаагүй аж.

Конгод "Ардчилсан хүчнүүдийн нэгдэл"(ADF) нэртэй лалын шашинт босогчдын бүлэглэл энгийн номхон иргэдийн эсрэг 20 гаруй жилийн турш алан хядах ажиллагаа явуулж байгаа юм. Тэдний үйл ажиллагааг нутгийн цагдаа, цэргийнхэн, НҮБ-ийн энхийг сахиулагчид ч таслан зогсоож чадахгүй байгаад иргэд ихээр бухимддаг аж. Бени хотод болсон энэхүү үймээнээс өмнө "ADF" бүлэглэлийнхэн хот руу ээлжит удаагийн дайралт явуулж энгийн номхон найман хүнийг хороосон хэрэг гарсан нь хүмүүсийн бухимдан уураа хилэнгээ энхийг сахиулагчдад гаргасан нь энэ аж.

Конгод НҮБ-ын 16,5 мянган энхийг сахиулагч цэргийнхэн, мянга гаруй олон улсын цагдаагийн ажилтан, 4 мянга гаруй энгийн ажиглагчид 2010 оноос хойш тасралтгүй үйл ажиллагаа явуулж байгаа ч бодит үр дүнд хүрч чадаагүй л байна. Конгогийн армийнхан лалын шашинт босогчдын эсрэг тусга ажиллагааг аравдугаар сарын 30-аас эхлүүлсэн ч ялалт байгуулж чадаагүй, Бени хот болон түүний ойролцоох тосгодод энэхүү ажиллагаа эхэлснээс хойш 77 энгийн иргэн амиа алдаад байгаа аж.

Конго дах НҮБ-ийн энхийг сахиулах албыг Уругвай, Танзани, Украйн, Өмнөд Африк, Пакистан, Балба, Марокко, Малави, Индонези, Энэтхэг, Гватемал, Гана, Бангладеш, Хятад гэсэн орны цэргүүд гүйцэтгэдэг юм байна.


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.42.54 |   2019/11/27
АЖИЛАА ОЛИГТОИ ХИИГЭЭЧ ГЭЖ ЗӨВ ШААРДЛАГА ТАВЬСАН БАИНА МАНАИХНААС Л ДЭЭР ЮМ
Хариулах
203.247.175.213 |   2019/11/26
Manai tserguud ochvol uheh yostoig ni uhuulj avrahiig ni avarj tohinuulaad ugnu shuu. Gehdee NUB-n tsereg baildaand ordoggui zuvhun hamgaalah uuregtei gej bgaa um l daa. Ter laliin bosogchdiig namnaad ug geed erhiig ni uguud buug ni sumlaad gargaval manaihan dor ni uchriig ni olno doo. NUB uursduu l med
Хариулах
66.181.187.47 |   2019/11/26
Mongolchuudiig yavuul ted nam darana
Хариулах