Нигери улсад бэлгийн хүчирхийллийн хэрэгт буруутгагдан ял эдэлж байсан хүмүүсийн нээлттэй жагсаалт бий болгосон тухай "The Guardian" сонин мэдээлж байна.Тус улсад сүүлийн жилүүдэд хүчингийн гэмт хэргийн тоо хурдацтай нэмэгдэж байгаатай холбоотойгоор хүчирхийллийн тоог бууруулах зорилгоор ийм арга хэмжээ авсан гэж байна. Хүн болгон чөлөөтэй нэвтэрч чөлөөтэй үзэж танилцах боломжтой энэхүү жагсаалтад 2015 оноос хойш бүртгэгдсэн хүчингийн бүх хэргийг оруулсан гэж байна. Энэхүү жагсаалтыг эмнэлэг, сургуульд ажилтан авахдаа энэ жагсаалтаар заавал шалгаж байх болсон аж.
Нигерид хүний эрхийг хамгаалах үйл ажиллагаа явуулдаг "Stand To End Rape" байгууллагын захирал ОлувасэунОсовоби нь "Одоо гэмт хэрэгтнүүдэд нуугдах газар үгүй боллоо" гэж мэдэгджээ.
Нигерийн 4 охин тутмын нэг нь 18 нас хүрэхээс өмнө бэлгийн хүчирхийлэлд өрдөг гэсэн мэдээг UNICEF байгууллагаас өгч байгаа. Хүмүүсийн боловсролын түвшин доогуур, охид эмэгтэйчүүдийн эрхийг хамгаалах тухай ойлголт бараг байдаггүй тул энэ олон бэлгийн хүчирхийллийн хэргийн хохирогчид төрийн холбогдох албадаас ямар нэг тусламж авч чаддаггүй гэж байна. Нигерийн бөглүү мужуудад хүүхдүүдийг "ангуучлах" үзэгдэл түгээмэл гэсэн байна. Хүчирхийлэгчдийн цөөнгүй нь хохирогчдын төрөл садны хүмүүс, гэр бүлийн найз нөхөд гэгдсэн хүмүүс байдаг гэж цагдаагийн газраас мэдээгджээ.
Сэтгэгдэл (0)
Сэтгэгдэл бичигдээгүй байна