Авлигын эсрэг даян дэлхийн хөдөлгөөн болж, улс орон бүрт үйл ажиллагаа явуулдаг "Транспэрэнси Интернэшнл" олон улсын байгууллага бий. Тус байгууллагын Монгол Улс дахь салбар "Транспэрэнси Интернэшнл Монгол" байгууллагаас ил тод хариуцлагатай нийгмийн төлөөх үйлст хувь нэмрээ оруулж, авлигын эсрэг үйлсэд олон нийтийг манлайлан, иргэний зориг гарган ажилласан иргэдийг тухайн жилийн "Авлигын эсрэг тэмцэгч"-ээр тодруулан, шагнадаг.
Тэгвэл 2019 оны "Авилгын эсрэг тэмцэгч" шагналыг zarig.mn сайтын хамт олон болон тус сайтын Ерөнхий эрхлэгч Н.Өнөрцэцэгт хүртээлээ. Zarig.mn сайт нь 2017 оноос хойш үйл ажиллагаагаа явуулж байгаа бөгөөд хуулийн хэрэгжилт, шудрага ёс, иргэний сэтгүүлзүйн төлөөлөл, ард түмний дуу хоолой болон мэдээ мэдээлэл, сурвалжлага нэвтрүүлгүүдээ хүргэдэг билээ.
"Транспэрэнси Интернэшнл" олон улсын байгууллагын "Авилгын эсрэг тэмцэгч" гэх энэхүү нэр хүндтэй шагнал нь тав дахь жилдээ олгогдож байгаа юм. Тодруулбал,
- 2015 онд сэтгүүлч Л.Болормаа агсан авлигын эсрэг бичсэн томоохон нийтлэлүүд, уул уурхайн салбарын ил тод байдлын чиглэлээр хийсэн судалгааны ажлууд, эрэн сурвалжлах чиглэлийн нийтлэлүүдээрээ,
- 2016 онд "Монгол тв" телевизийн сэтгүүлч Э.Лхагва
- 2017 онд Эдийн засагч, нийтлэлч Д.Жаргалсайхан
- 2018 онд Ikon сайтын Ерөнхий редактор Ч.Болортуяа нар хүртэж байсан юм.
Сэтгэгдэл (0)
Сэтгэгдэл бичигдээгүй байна