ОХУ-д суух элчин сайдаар Д.Давааг томиллоо

Монгол улсын Ерөнхийлөгч Х.Баттулга элчин сайдыг тохоон томилох тухай зарлиг гаргаж, Монгол улсаас ОХУ-д суух онц бөгөөд Бүрэн эрхт элчин сайдаар Дуламсүрэнгийн Давааг томиллоо. Мөн түүнийг монгол улсын Ерөнхийлөгчийн Батлан хамгаалах бодлого, Аюулгүй байдлын асуудал хариуцсан зөвлөхөөс чөлөөлөв. Д.Даваа нь 1986 онд хуучнаар ЗХУ-ын вольск хотын Цэргийн ар талын дээд сургуулийг, 1997 онд ОХУ-ын санкт-Петербург хотын Цэргийн ар тал, Тээврийн академийг төгссөн, дэслэгч генерал цолтой юм. Тэрбээр 1986 оноос хойш батлан хамгаалах салбарт ажиллаж, 2015 оноос ЗХЖШ-ын даргаар, 2018 оны арваннэгдүгээр сараас өнөөдрийг хүртэл Монгол улсын Ерөнхийлөгчийн Батлан хамгаалах бодлого, Аюулгүй байдлын асуудал хариуцсан зөвлөхөөр ажиллаж байсан юм.

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 12 сарын 02  [ 192.82.66.139 ]
Зочин

Гадаад харилцааны мэргэжлийн хүн томилох ёстой гээд хэнийг ч хамаагүй тмилож хэрэг түвэг болоод байна гээд байсан ЕТГ,ерөнхийлөгч яасан бэ?

Top