Хан-Уул дүүргийн 15 дугаар хороонд байрлах Төв цэнгэлдэх хүрээлэнг 1959 онд БНХАУ-ын тусламжаар барьж, ашиглалтад оруулж байжээ. 126 метр квадрат газартай Төв цэнгэлдэх хүрээлэн нь 2000 хүний суудалтай. Баяр наадам үзэх иргэд багтдаггүй шалтгаанаар Төв цэнгэлдэх хүрээлэнг томруулан, шинэчлэн барих шийдвэр 2019 оны наймдугаар сард гарсан. Тодруулбал, битүү дээвэртэй, 50-60 мянган хүний суудалтай Цэнгэлдэх хүрээлэнг 950 орчим сая төгрөгөөр барих шийдвэр гарч, төсвийг Засгийн газрын нөөц хөрөнгөөс гаргахаар тусган "Хийморь цогцолбор" шалгараад байгаа юм. Харин одоогийн Төв цэнгэлдэх хүрээлэнг зарах асуудлыг НИТХ-аар хэлэлцэн батлах гэж байна. Тодруулбал, Цэнгэлдэх хүрээлэнгийн 49 хувийг нийслэл эзэмшдэг бөгөөд 20 тэрбум төгрөгөөр зарахаар санал оруулж ирсэн байна. Харин үлдсэн 51 хувийг иргэн Т.Нямдаваа эзэмшдэг байна.
Сэтгэгдэл (0)
Сэтгэгдэл бичигдээгүй байна