2020/07/07
USD 2,811

Европын холбоо Google-ын мэдээлэл цуглуулах аргыг шалгаж байна

О.Шүрэнцэцэг
2019/12/02

Европын холбооны шударга өрсөлдөөн, хэрэглэгчдийн эрх ашгийг хамгаалах чиглэлээр үйл ажиллагаа явуулдаг албад "Google" компаниас хэрэглэгчдийнхээ талаар мэдээлэл цуглуулдаг арга, хэлбэрийг шалгах ажиллагаа эхлүүлсэн тухай "Reuters" агентлаг мэдээлж байна. Еврокомиссоос энэ талаар гаргасан мэдэгдэлд "Комисс нь Google-ийн ашиглаж байгаа мэдээлэл цуглуулах ба ашиглах арга хэлбэртэй холбоотой урьдчилсан мөрдөн байцаалт явуулах хүрээнд компаниудад асуулга явуулсан" гэж өгүүлсэн байна.

"Google" компани нь орон нутгийн хайлтын үйлчилгээтэй холбоотой мэдээллийг хэрхэн ашиглаж байсан, интернэт дах реклам сурталчилгаа яаж байршуулсан байсанд Европын холбооноос онцгой анхаарах аж. Үүний хариуд "Google" компанийн төлөөлөгч нь хэрэглэгчдийн талаар авсан мэдээллийг үзүүлж байгаа үйлчилгээнийхээ чанарыг сайжруулахаас өөр ямар нэг зорилгоор ашигладаггүй, хэрэглэгч нь өөрийн талаарх мэдээллийг хүссэн үедээ устгах боломжтой гэсэн тайлбар өгчээ.

Энэ оны гуравдугаар сард Еврокомисс нь "Google" компанийг интернэтэд реклам сурталчилгаа байршуулах ба хайлтын явцад онцлон харуулах тухай Европын холбооны дүрэм журмыг зөрчлөө гэж 1,49 тэрбум еврогийн торгууль ногдуулаад байсан юм.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна