2020/07/07
USD 2,811

​Путин СиЖинпин хоёр ''Сибирийн хүч''-ийг нээлээ

О.Шүрэнцэцэг
2019/12/03

ОХУ-ын Ерөнхийлөгч Владимир Путин, БНХАУ-ын Тэргүүлэгч СиЖинпин нар Дорнод Сибирийн орд газраас олборлосон шатдаг хийг Оросын дотоодын зах зээлд тараах, БНХАУ руу экспортлох үүрэг бүхий "Сибирийн хүч" нэртэй дамжуулах хоолойг өчигдөр нээсэн байна.

Дамжуулах хоолойн ажлыг эхлүүлэхийн өмнө Путин үг хэлэхээ "Бид дамжуулах хоолойгоор Оросын шатдаг хийг Хятад руу нийлүүлж эхэлж байна. Энэ алхам нь Орос-Хятадын эрчим хүчний салбарын хамтын ажиллагааг чанарын шинэ түвшинд гаргаж байгаа юм" гэсэн байна. СиЖинпин нь "Сибирийн хүч" дамжуулах хоолойн ашиглалтыг аюулгүй, найдвартай, экологийн шаарлагад нийцсэн байлгахыг уриалжээ.

Орос нь БНХАУ-тай 30 жилийн хугацаатай 400 тэрбум долларын шатдаг хий нийлүүлэх гэрээ байгуулсны дараагаар "Сибирийн хүч"-ийг барих ажил 2014 онд эхэлж байсан. Энэ хоолойгоор дамжуулан "Газпром" компани нь эхний үедээ жилийн 5 тэрбум шоо метр шатдаг хийг хятад руу нийлүүлэх бол яваандаа хүчин чадал нь нэмэгдсээр жилийн 38 тэрбум шоо метр болно. "Сибирийн хүч"-ийг арванхоёрдугаар сарын 20-нд ашиглалтад оруулна гэж төлөвлөж байсан ч ийнхүү хугацаанаас нь өмнө эхлүүлжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна