Английн Кембриж хотод 250 мянга фунт өвлөж авсан эмэгтэй бүх хөрөнгөө богино хугацаанд хар тамхинд үрж дуусаад орон гэргүй тэнэмэл болж хувирсан тухай "Cambridge News" мэдээлжээ. Лорна Уэбб гэгч 51 настай эмэгтэй нь гэр бүлийнхээ нэг гишүүнээс 250 мянган фунт өвлөж авсан ч 14 сарын дотор өвлөж авсан бүх мөнгийг, өмнө нь байсан өөрийн бүх хөрөнгийн хамт үрж дуусаад хотынхоо Милл-роуд гудамжинд орон гэргүй, тэнүүлчийн амьдралаар амьдарч, ойролцоо нь оршин суудаг хүмүүсийг тав тухыг алдагдуулах болсон тул тэд Лорнаг шүүхэд өгчээ. Шүүхээс Лорна Уэббыг Милл-роуд гудамжинд эмх замбараагүй байдал үүсгэсэн, хулгай хийсэн, түргэн тусламжийн ажилтан руу дайрсан, архидан согтуурсан хэрэгтэй буруутай гэж үзээд тус гудамжинд 2 жилийн турш хөл тавихыг нь хориглон, 1,5 жил олон нийтийн ажил хийх шийтгэл ногдуулсан аж.
Лорна нь их хэмжээний мөнгө өвлөн авахаас өмнө нөхөр, хоёр охины хамт амьдардаг, үл хөдлөх хөрөнгөтэй байсан ч мөнгөтэй болсны дараа хар тамхинд донтон байдаг бүхнээ алджээ.
Сэтгэгдэл (0)
Сэтгэгдэл бичигдээгүй байна