Пакистаны 600 гаруй насанд хүрээгүй охин болон эмэгтэй өнгөрсөн хоёр жилийн хугацаанд Хятадад сүйт бүсгүй болж худалдагдсан талаар тус улсын мөрдөн байцаагчдын мэдээлэлд үндэслэн "AP" агентлаг мэдээлжээ. Тус агентлаг Пакистаны холбогдох албаныханд хэчнээн охид, эмэгтэйчүүд хүний наймааны золиос болсон талаар хангалттай мэдээлэл байдаг ч дорвитой арга хэмжээ авдаггүйг Исламабад Бээжинтэй харилцаагаа сэвтүүлэхээс эмээж буйтай холбон тайлбарлаж байна. Файсалабад хотын шүүхээс хүний наймааны хэрэгт холбогдсон 31 хятад иргэнийг өнгөрсөн аравдугаар сард цагаатгасан. Учир нь, хэн ч тэднийг гэрчлэхийг хүсээгүй байна. Гэрчүүд мөнгө авсан эсвэл дарамт, шахалтад өртсөн байж магадгүй хэмээн мөрдөгчид үзэж байгаа юм. Тус улсын холбооны мөрдөх товчооны мэдээлснээр хятадын гэмт хэрэгтнүүд пакистан эмэгтэйчүүдтэй гэр бүл болсныхоо дараа дамлан худалдах, хүний наймааны хохирогч болгох тохиолдол олон байдаг аж. Гэмт этгээдүүд нэг эмэгтэйг дунджаар 12-25 мянган ам.доллароор зардаг бөгөөд үүнээс тодорхой хувийг гэр бүлийнхэнд нь төлдөг байна. Харин хүний эрхийн байгууллагын мэдээлж байгаагаар, жилдээ хамгийн багадаа 700 гаруй пакистан эмэгтэй хятад хүнтэй гэрлэдэг гэнэ. Хүний наймааны золиос болсон охидыг хятадаас эргүүлэн авчрахад тусладаг христийн шашинтны "Салем ик бал" байгууллага хүний наймаатай холбоотой мөрдөн шалгах ажиллагаа явуулдаг холбооны мөрдөх товчоо болон дээр ард түмнийхээ дунд аз жаргалтай гэр бүл бий болгохыг дэмжиж байгаа. Харин хуулиас гадуур хэрэг үйлдэж буй хүмүүст зохих арга хэмжээг нь авна" хэмээн мэдэгдсэн байна. БНХАУ- ын гэрлэх насны эрэгтэйчүүдийн тоо эмэгтэйчүүдийнхээсээ 34 орчим саяар илүү байдаг. Энэ нь тус улсын 35 жилийн турш баримталсан "Нэг хүүхэд" бодлогын үр дүн юм. Тиймээс тус улсын эрчүүд дан ганц Пакистан ч биш азийн ядуу буурай улс орнууд, тухайлбал мьянмар, Вьетнам, камбожоос эхнэр худалдаж авах сонирхолтой байдаг.
Сэтгэгдэл (0)
Сэтгэгдэл бичигдээгүй байна