Украйны парламент дах Ерөнхийлөгчийн талыг баримтлагч олонх "Ард түмний зарц" намын гишүүд 2020 оноос АНУ-д сургалтад суух болсон тухай тус намын хэвлэлийн албанаас албан ёсоор мэдээлжээ. Мэдэгдэлд "Дараа жилээс эхлэн ард түмний сонгосон гишүүд Америкийн Конгрессын "Open Word" хөтөлбөрийн дагуу АНУ-д суралцахаар боллоо" гэсэн байна. Ингэснээр Ерөнхийлөгч Зеленскийн намаас сонгогдсон 300 гаруй гишүүн он гараад АНУ руу номын дуу сонсохоор явах болжээ.
Украйны парламент буюу Радад анх удаа сонгогдсон бүх фракцын гишүүдийг АНУ-д суралцахыг санал болгоод байсан юм байна.
Украйны парламентын гишүүд Америкийн институтууд хэрхэн ажиллаж байдгийг бодитоор харах нь их чухал гэж"Ард түмний зарц" фракцын орлогч дарга Е. Крвавчукийн ярьсан байна. Тэрээр "Америкийн институтууд төрийн эрхийг хэн барьж байгаагаас үл хамааран үйл ажиллагаа явуулж байдаг. Америкийн ардчилал 200 гаруй жилийн настай. ...Бид хүчирхэг институтуудын туршлагаас суралцахыг хүсэж байна. Украйныг тэдэнтэй адил хүчирхэг бас найдвартай болгохыг төлөө ингэж байгаа юм" гэжээ.
Сэтгэгдэл (0)
Сэтгэгдэл бичигдээгүй байна