2,746.2 
3,058.3 
44.7 
400.4 
2.4 
-11℃
-5℃
Хохирогч н.Доржпүрэв өөрийн биеэр оролцох хүсэлт гаргасныг хүлээн авч шүүх хурлыг хойшлууллаа
О.Шүрэнцэцэг
2019 оны 12 сарын 06
Зам, тээврийн хөгжлийн яамны Төрийн захиргааны удирдлагын газрын дарга асан Б.Махбалд холбогдох эрүүгийн хэргийн урьдчилсан хэлэлцүүлгийн шүүх хуралдааныг өнөөдөр 11:00 цагт эхэллээ.
Бүх насаар нь хорих ял төлөвлөөд байгаа Б.Махбалд холбогдох шүүх хурал дахин хойшлууллаа. Учир нь хохирогч н.Доржпүрэв өөрийн биеэр оролцох хүсэлт гаргасныг хүлээн авснаар ийнхүү дахин хойшлов. Дараагийн шүүх хурал энэ сарын 13-ны 14 цагаас шүүх хурал дахин эхлэх юм.
Б.Махбалд Нийслэлийн Прокурорын газраас Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1 дэх хэсэгт зааснаар яллах дүгнэлт үйлдэж ирүүлсэн байна. Энэ зүйл ангид "Хүнийг онц харгис хэрцгийгээр алсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ" гэжээ.
Хэргийн тухай эргэн сануулахад, 2018 оны наймдугаар сарын 9-нд ЗТХЯ-ны байранд хүн амины хэрэг гарсан. Цагдаагийн байгууллагаас урьдчилсан байдлаар ЗТХЯ-ны Төрийн захиргааны удирдлагын газрын дарга Б.Махбал тус яамны Хяналт-шинжилгээ, үнэлгээ, дотоод аудитын газрын дарга Т.Гомбосүрэнгийн аминд хүрсэн хэмээн тогтоосон байдаг.
Шүүх хурал өмнө нь долоон удаа хойшилсон бөгөөд шүүгчээр Д.Ренченхорол, яллагдагчаар Б.Махбал, улсын яллагчаар Б.Баярхүү, талуудын өмгөөлөгчөөр Ш.Мягмарцэрэн, Д.Батбаяр, М.Алтанцэцэг, З.Хүрэлсүх, Ч.Отгонбаатар, Н.Баатардорж, хохирогчоор н.Өнөрцэцэг, Д.Доржсүрэн нар оролцож байна.
Холбоотой мэдээ
төрийн алба бохирдосны гайг бас энэ нам нэртэй бүлэг эигээдүүд хуйвалдан хувааж идэгчиэд хүлээх ёстой зохиох ном журмаар нь хүнээ томилдог байсан бол энэ алба ингэж бузартах уу мөнгө өгсөн нэг хулгайчийг мөрөөрөө ажлаа хийгээд чин шударгаар явж байгаа хүний оронд томилчихдог. нөгөөдүүл нь мэргэжлийн байх ёс зүйтэй байх тухай ямар ч ойлголт байхгүй. чадалгүй өөр сонирсол өвөрлөж орж ирсэн хүн чинь чаддаг ажил болох хор найруулах хов хутгах бөгс долоох цүнх барих хулгайлж хумаслах бусдыг дарамтлах ажил хийдэг юм байгаа биз дээ. тэгээд мөрөөрөө ажлаа хийж байгаа хүнийг зайлуулах санаатай бүх сувгаар бүх аргаа хэрэглэж чөтгөр шуламын хорлол үйлдэнэ. бүх юмны үндэс энэ өөрсдийгөө улстөрч гээд андуурсан хөгийн новшнуудад байгаа