2020/08/04
USD 2,811

С.Даваасүрэн: ''Улаанбаатар хотод агаарын бохирдол өмнөх хоногуудаас нэмэгдэж байна''

О.Шүрэнцэцэг
2019/12/09

Нийслэлийн онцгой комиссоос өнөөдөр цаг үеийн асуудлаар мэдээлэл хийлээ.

Нийслэлийн мэргэжлийн хяналтын газрын дэд дарга С.Даваасүрэн "Өнгөрсөн шөнө Баянзүрх, Чингэлтэй дүүргээс угаартлаа гэх хоёр дуудлага ирж, долоон хүн /хоёр том хүн, таван хүүхэд/ хөнгөн хэлбэрээр хордсон байсан. Сүүлийн үед Улаанбаатар хотод агаарын бохирдол өмнөх хоногуудаас нэмэгдэж байна. Тиймээс түүхий нүүрс түлэх зөвшөөрөл авсан аж ахуйн нэгжүүдэд дахин хяналт тавихаар ажиллаж байна. Түүхий нүүрс ашиглаж буй аж ахуй нэгжүүд нь янданд утаа шүүгч тавих ёстой. Иргэдээс ирсэн мэдээллээр цахилгаанаа хэмнэх зорилгоор аж ахуйн нэгжүүд утаа шүүгчийг ажиллуулахгүй, утаа шүүгчийг нэр төдий ашиглаж байгаа зөрчлүүд илэрч байна. Тиймээс түүхий нүүрс түлж байгаа бүх аж ахуйн нэгжүүдэд шалгалт явуулж, шаардлага хүргүүлнэ. Зөрчил илэрвэл гурван сая төгрөгийн торгууль ногдуулж, шаардлагатай арга хэмжээ авна, зөрчлийг арилгах долоо хоногийн хугацаа өгнө. Хэрэв шаардлагыг биелүүлээгүй бол түүхий нүүрс ашиглах зөвшөөрлийг цуцлах шаардлагыг холбогдох байгууллагуудад хүргүүлнэ" гэлээ.

Нийслэлд түүхий нүүрс түлэх зөвшөөрөлтэй 507 аж ахуйн нэгж байгаа ажээ.

Түүнчлэн агаарын бохирдол хэмжилтийн арванхоёрдугаар сарын 2-8-ныг хүртэлх мэдээллээр өнгөрсөн оны мөн үетэй харьцуулахад азотын давхар исэл 30 хувиар өсч, PM10 хэмжээтэй тоосонцор 20 хувиар буурч, PM2.5 хэмжээтэй тоосонцор 15 хувиар буурч, угаарын болон азоны хийн агууламж өнгөрсөн жилийнхтэй адил байгаа аж.

Харин агаарын дундаж температур өнгөрсөн онд -23.2 хэм байсан бол энэ онд -14.3 хэм буюу 8.9 градусаар дулаан байна.

Улаанбаатар хотын гэр хорооллууд 1.2 сая тонн, аж ахуй нэгжүүдийг оролцуулбал зургаан сая тонн түүхий нүүрсийг ашигладаг бөгөөд өдий үед 350 мянган тонн түүхий нүүрсийг ашигласан байдаг аж. Харин одоогоор 120 мянган тонн сайжруулсан түлш ашиглаад байгаа аж


Сэтгэгдэл (10)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.27.89 |   2019/12/13
Шөнө өмнө байсан түүхий нүүрсээ түлж байгаа байх. Шөнө хар утаа харагдахгүй шүү дээ. Өдөр бол яалт ч үгүй түүхий нүүрс түлсэн айлын яндангаас хар утаа ялгарч харагдаж байна лээ.
Хариулах
139.5.217.236 |   2019/12/10
Tuuhii nuurs tuleed l baina.Yaj bugdiig hyanah ve dee.Hetsuu.Yamar ch uhamsargui ard shuu dee.
Хариулах
203.91.115.52 |   2019/12/09
Өглөө утаа аймаар багасаагүй л байна даа
Хариулах
66.181.168.8 |   2019/12/09
Шөнө унтахад утаагүй байснаа өглөө 5 цагт сэрэхэд утаатай болсон байх юм, шөнө л түүхий нүүрс түлээд байгаа юм байх даа
Хариулах
66.181.186.216 |   2019/12/09
Утааны эсрэг тэмцэлд гэр хороололын зарим"эсэргүүчүүд" хувь нэмрээ оруулах гэж нойроо хасан тэмцэж буйг яамаар ч юм бэ дээ.Цаана нь том хүчин буй болтой гэж хардаж байна.Тэд хяналт суларсан үүр шөнийн заагаар 2-6 цагийн хооронд түүхий нүүрсээ баагиулж байх юм.Яалтай ч билээ.Даанч хүн чанар,мөн чанар алгаа.
Хариулах
66.181.187.102 |   2019/12/10
Tom xych bgaa. Tyyxii nyyrsnii naimaachid balaraad , for xytgaad yavj bn gesen
64.119.18.58 |   2019/12/09
Ahmadiin holboo gej bna uu hungultuur ugdug heden em hasagdsaar daralt zurh geed hedhen emee avah gej buun yum bolno emiin sand ochihoor emnuud ni bhgui tegj baital sanhuujilt duusssan gene uund hyanalt taviachee avch chadaagui ene meteer hohirood ungursun ter hungulult haashaa ordgiin
Хариулах
64.119.18.58 |   2019/12/09
Tetgevriin hugshchuud hetsuudlee shuu tetgever heveeree tsahilgaan yumnii une usuud l bhiin
Хариулах
66.181.171.26 |   2019/12/09
Цахилгаан 00 болгоно гэсэн төлбөр хэвээрээ байгаа шүү
Хариулах
202.179.26.71 |   2019/12/09
утаа багассан гэж долидогоноод байсан амьтад бодит байдал нь ийм байна. хүмүүс айгаад гал түлэхгүй байсан байхгүй юу, хүйтрээд аргагүй түлээд эхлэхээр нөгөө утаа яг хэвээрээ, цахилгааны хэрэглэгээгээ хар урьд онуудаас хэд дахин нэмэгдсэн байна. утаа нь багасахгүй дээр энэ олон хүн үхлээ хэн хариуцлага хүлээхэв.
Хариулах