Латвид татварын өөрчлөлт хийсний дараа 200 мянган хүн гэнэт төсөвт нөхөж татвар төлөх ёстой өртэй хүмүүс болж хувирсан тухай тус улсын NRA сайт мэдээлжээ. Татварын өөрчлөлт хийхдээ татварт хамрагдахгүй хөрөнгийг доод хэмжээг өсөх шатлалаар тооцдог болсны дараа ийнхүү 200 мянган хүн гэнэт өртэй болж хувирсныг сайтын сэтгүүлчид олж мэджээ. Латвийн Төрийн орлогын алба нь татварын өөрчлөлт хийхэд нэмж татвар төлөх ёстой болох хүний тоо 60 мянгаас хэтрэхгүй гэж тооцож байсан ч төрд өртэй хүний тоо хавьгүй олон болж таарчээ. Иймд Төрийн орлогын алба нь нийгэмд бухимдал дургүйцэл үүсэхээс болгоомжлон өөрсдөө ч мэдэлгүй өртэй болсон хүний бодит тоог олон нийтэд зарлахгүй байгаа юм байна. Татварын хуулийн өөрчлөлт оруулахаас өмнө 2018 оны ашиг орлогын татвараа дутуу төлснөөс үүссэн өрийн хэмжээ 23,64 сая евро болж, өртэй хүний тоо 121 мянга байсан. Харин татварын өөрчлөлтийн дараагаар дутуу төлөгдсөн өрийн хэмжээ 40 сая еврог давж гарсан тул өртэй хүний тоо ч 200 мянга давсан байх гэж сэтгүүлчид багцаа тоо гаргасан нь энэ аж. Латви нь 2019 оны гуравдугаар сараас эхлэн иргэн бүр ашиг орлогын мэдүүлэг өгч, бүх л өмч хөрөнгийн татвар төлж байх ёстой болсон юм байна.
Сэтгэгдэл (0)
Сэтгэгдэл бичигдээгүй байна