Украйны иргэний дайны зогсоох зорилго бүхий "Норманд дөрөв"-ийн Францад хийсэн уулзалт дэлхийн нийтийн анхаарлын төвд байлаа. Энэ уулзалтын үр дүнгийн талаар янз бүрийн мэдээлэл ирж байна. Украйны Ерөнхийлөгч ЗеленкскийПутинтэй хийсэн хэлэлцээг "хайнцсан" гэж тодорхойлсон байна. Тэрээр "Яг одоо дипломат зан гаргах нь зөв. Одоохондоо "хайнцсан" гэж ярьсан нь дээр байх. Путины зүгээс тодорхой хэмжээний буулт хийж байгааг мэдэрсэн" гэжээ.
Гэтэл дөрвөн орны төрийн тэргүүн хамтарсан хэвлэлийн бага хурал руу явж байх хооронд Германы Канцлер АнгелаМеркель нь ОХУ-ын Ерөнхийлөгч Путинт хандан "Өнөөдөр чиний ялалт байлаа..." гэж хэлэхийг сэтгүүлчид олж сонссон гэж байна.
Нийтдээ 5,5 цаг үргэлжилсэн дөрвөн талт уулзалт хэлэлцээний дүнгээр талууд нь хамтарсан мэдэгдэл гаргасан. Мэдэгдэл нь "Мөргөлдөөний бүст нөхцөл байдлыг тогтворжуулах тухай нэн даруй авах арга хэмжээ", ""Минскийн тохиролцооны улс төрийн заалтуудыг хэрэгжүүлэхэд чиглэсэн арга хэмжээ", "Үргэлжлэл" гэсэн гурван бүлэгтэй болсон.
Гэвч Украйны талаас энэхүү мэдэгдэлд дурдсан тохиролцоог хэрэгжүүлэх боломжгүй болж магадгүй тухай анхааруулжээ. Украйны Батлан хамгаалахын сайд Андрей Загороднюк нь Fаcebook хуудсан дээрээ энэ тухай анхааруулсан байна. Тэрээр Францад болсон уулзалтын үеэр цаашид хэлэлцээг үргэлжлүүлж болох байр суурь бий болгосон төдий гээд дайныг зогсоохын тулд Украйн улс хэзээ ч газар нутгийнхаа хэсгийг золиослохгүй гэжээ. Минскийн тохиролцоо ёсоор Украйны эрх баригчид салан тусгаарлахаар хичээж байгаа Донбасс, Луганскт автономит улсын статус олгох ёстой байгаа. Үүнтэй холбоотойгоор Минскийн тохиролцоонд гарын үсэг зурж баталгаажуулсан Ерөнхийлөгч асан Порошенког эх орноосоо урвасан тухай яриа их гарах болсон.
Сэтгэгдэл (0)
Сэтгэгдэл бичигдээгүй байна