Ливийн үндэсний армийн командлагч маршал Хафтар нийслэл Триполийг эзлэн авах ээлжит удаагийн тайралт эхлүүлж байгаагаа албан ёсоор зарласан байна. Триполи хотыг одоогоор Үндэсний эв нэгдлийн засгийн газрын удирддаг зэвсэгт бүлэглэлүүд хянаж байгаа аж. Ливийн үндэсний армийн дайралтын ангиуд Триполи хотын захын дүүргүүдийг эзлэн аваад байна. Тэд Үндэсний эв нэгдлийн засгийн газрыг дэмжигчдийг гэрээс гаралгүй, эсэргүүцэл үл үзүүлсэн тохиолдол өршөөнө гэж ухуулга тараажээ.
2011 онд босогчид Ливийн удирдагч МуаммарКаддафийг түлхэн унагаж, хороосны дараа Ливи нь зэвсэгт бүлэглэлүүдийн мэдлийн бүс болон задарч, нэгдмэл улс байхаа больсон. Нийслэл Триполийг НҮБ, Европын холбооны дэмжлэгтэй байгуулагдсан Үндэсний эвлэрлийн Засгийн газар гээч нь хянадаг. Ливийн нутгийн дийлэнх хэсгийг маршал Хафтарын байгуулсан Үндэсний арми хянаж байна. Энэхүү Үндэсний арми нь Саудын Арави, Оросын дэмжлэгийг авч үйл ажиллагаа явуулдаг. Мөн энэ хоёроос гадна омгуудын мэдлийн газар нутаг гэж бий болсон. Мөн Лалын улс алан хядах бүлэглэлийн хяналтын газар нутаг ч гэж байдаг болсон.
Сэтгэгдэл (0)
Сэтгэгдэл бичигдээгүй байна