Байгалийн түүхийн музейг нураахдаа үүдэнд нь байсан чулуун хоёр арсланг Богд хааны ордон музейд шилжүүлэхээр шийджээ. Гэвч өнөөг хүртэл Богд хааны ордон музейд очоогүй байгаа аж. Энэ талаар Богд хааны ордон музейн эрдэм шинжилгээний ажилтан Ц.Гүнчин-Иш өөрийн цахим хуудсаараа дамжуулан мэдээлжээ.
Тодруулбал, "Байгалийн түүхийн музейн өмнө байсан 2 чулуун арслан хаачив!!! Байгалийн түүхийн музейн пассадыг нураахын өмнө Богд хааны ордон музейд шилжүүлэх зорилгоор ачсан 2 ширхэг чулуун арслан өнөөг хүртэл Богд хааны ордон музейд ирсэнгүй. Бид шилжүүлэн авахад шаардагдах холбогдох бүх бичиг баримтыг бүрдүүлэн зохих газар хүргүүлээд удаж байгаа билээ. Дээрх арслангуудын хаана хадгалагдаж вэ? Яагаад Богд хааны ордон музейд авчрахгүй байна вэ? Хадгалалт, хамгаалалт нь юу болж байгаа юм бол? Нийслэлийн удирдлагууд түүх, соёлын өвтэй холбоотой асуудалд хэвэрхий цалгар хандаж байна уу даа. Сураг сонсохнээ Баянхонгор аймгаас уг хоёр арсланг авах хүсэлт гаргасан гэх юм. Баянхонгор аймгаас авч ирсэн 2 арслан бол МУИС-ийн төв байрны урдах арслангууд шүү дээ. Ширэндэв гуай Баянхонгороос очиж авчруулж байсан түүхтэй гэдэг. Харин байгалийн түүхийн музейн өмнө байсан 2 арслан бол хэзээнээс Богдын шар ордны өмнө байсан бөгөөд 1954 онд Улсын төв музей барилга /Одоогийн Байгалийн түүхийн музейн нураагдсан барилга/ ашиглалтанд ороход өмнө нь байрлуулсан түүхтэй. Энэ жил Богд хааны мэндэлсний 150 жилийн ой тохиож байна. Тэгээд ч Богд хаантай холбогдох түүхийн дурсгалыг Богд хааны ордон музейд шилжүүлэх нь зүй ёсны хэрэг биз дээ. Гэтэл түүхийн үнэт дурсгал болсон 2 чулуун арслан хаачив" хэмээн бичжээ.
Сэтгэгдэл (0)
Сэтгэгдэл бичигдээгүй байна