Английн премьер лигийн "Арсенал" багийн МесутОзильБНХАУ-ыг уйгаруудыг эрхийг зөрчиж байгаа тухай мэдэгдсэний дараа энэ багийн "МанчестерСити"-тэй хийсэн тоглолтыг Хятадын төв телевизээр шууд дамжуулахаас татгалзсан байна. Озиль нь Хятадад Коран судрыг шатааж, уйгар эрчүүдийг засан хүмүүжүүлэх төвүүдэд хорьж, харин уйгар эмэгтэйчүүдийг хятад эрчүүдтэй хүчээр гэрлүүлж байна гэж мэдэгдсэнийг "Guardian" уламжлаад байсан.
Озилийг мэдэгдэл хийсний дараахан "Арсенал" клубын удирдлага тайлбар хийж, тамирчин хувийн үзэл бодлоо илэрхийлсэн төдий, клубын удирдлага нь улс төрд оролцохгүй байх зарчим баримталдаг гэдгээ хэлсэн. Гэсэн хэдий ч "Арсенал"-ын тоглолтыг Хятадын төв телевизийн хөтөлбөрөөс хасжээ. Хятадын "Paper" сонин "төрийн ашиг сонирхол бүхнээс эрхэм" гээд Озилийн хэлсэн үг нь Хятадын интернэт хэрэглэгчдийн дургүйцлийг ихэд хүргэсэн гэж тайлбарлажээ.
Энэ хэргийг Хятадын эдийн засгийн нөлөө улам бүр өсөн нэмэгдэж, энэ нөлөөгөө гадаад улс төрийн бодлогодоо идэвхтэй ашиглаж байгаагийн бас нэг илрэл гэж болно.
Үүний өмнөхөн Америкийн Үндэсний сагсан бөмбөгийн баг яг ийм байдалтай тулгарч байсан. "ХьюстонРокетс" багийн ерөнхий менежер ДерилМори нь Хонконгийн жагсагчдыг дэмжсэн мэдэгдэл хийсний дараа Хятад компаниуд Үндэсний сагсан бөмбөгийн холбооны зарим тоглолтуудыг нэвтрүүлэхээс татгалзаж, зарим компаниуд сурталчилгааны гэрээнээс татгалзан 4 тэрбум долларын орлого оруулдаг том зах зээлийг алддаг дээрээ тулж байсан. Иймд NBA-ийн удирдлага нь Хятадын дотоод хэрэгт огт оролцоогүй, улс төрөөс ангид гэж уучлал гуйж байж асуудал намжсан.
Сэтгэгдэл (0)
Сэтгэгдэл бичигдээгүй байна