АНУ-ын Ерөнхийлөгч Дональд Трампын өмгөөлөгч РудиЖулиани нь Америкийн Ерөнхийлөгчийн сонгууль, Украйны Майдан хувьсгал, одоо Ерөнхийлөгчид импичмент зарлах гэж байгаа үйл явдлууд хоорондын холбоосон дэлгэсэн дуулиантай мэдэгдлүүдийг Twitter-ээрээ дамжуулан хийжээ.
РудиЖулиани нь Ерөнхийлөгч асан Бараг Обамагийн захиргааныхан Украйны экс Ерөнхийлөгч Порошенкогоор удирдуулсан тагнуулсан сүлжээгээ ашиглан Украйнд төрийн эргэлт хийж булаан эзэлсэн гээд үүнийг нотлох баримт хангалттай олныг цуглуулсан гэсэн байна. Төрийн эргэлт хийсний дараагаар Украйнаас 100 тэрбум гаруй долларыг хилийн чанад руу гаргасан "Энэ бол Билл Гейтс ба Марк Цукерберг хоёрын хөрөнгийг нийлүүлснээс ч илүү" гэжээ.
Украйныг цөлмөхдөө Порошенко болон түүний дагалдагчид гол ивээн тэтгэгчид болох Байден, Клинтон болон Америкийн Ардчилсан намын нөлөө бүхий гишүүдтэй хуваалцаж байсан гэнэ. Жулианийн хэлж байгаагаарПорошенко хулгайлсан хөрөнгийнхөө 70 хувийг АНУ дахь ивээн тэтгэгч нар руугаа явуулаад үлдсэн 30 хувийг нь өөрсдөө хувааж авдаг байжээ.
Жулиани "Тэд Европын төвд байдаг асар том улсын сүйрүүлж, эрх мэдлийг нь булаан эзлээд одоо аймшигт гэмт хэргүүдээ ардчилал, Украйны хөгжлийнхөө чигийг сольсон гэдгээр халхлахыг оролдож байна. Энэ бол луйвар, Украйнд дээрэм тонуулаас өөр юу ч болж байгаагүй" гээд "Будапешт, Вена, Киев. Судалгаа хийхэд олон зуун цаг зарцуулсны эцэст би ДональдТрампыг ямар ч хууль зөрчөөгүйг харуулж, Трампын эсрэг импичмент зарлах гэж байгаа тухай бодит үнэнийг илчилсэн гэрч, баримт бичиг цуглуулсан" гэжээ.
Үргэлжлүүлэн "Украйнд авлига асар их, аймшигтай байсан тул Ерөнхийлөгч АНУ ба Украйн гэсэн мөрдөн байцаалт явуулахыг хүсэхээс өөр аргагүй байсныг нотлох баримт гэрчилж байна. Импичмент бол ардчилсан намынхны өнгөлөн далдлалтын нэг хэсэг. Украйн дахь Байден ба Порошенко нарын авлига, мөнгө угаалт, сүрдүүлэн завших явдал хэрээс хэтэрсэн. Үүнээс гадна Ардчилсан намын Үндэсний хороо нь нэр дэвшигч Трампыг устгах зорилгоор Украйнтай үгсэн хуйвалдсан бөгөөд тэдний гар хөл болсон этгээдүүд АНУ-ын сонгуульд шууд хөндлөнгөөс оролцож байсан, одоо тэд үүнийхээ төлөө хариуцлага хүлээх болно" гэжээ.
Мөн "Гэмгүй үйлдлийн төлөө Ардчилсан намынхны санаачилсан импичмент бол Обамагийн үеийн авлигын дараах хэргийг мөрдөн байцаахад саад болох зорилготой. Үүнд:
-Украйнд угаасан 100 тэрбум
-Зориулалтын бусаар ашигласан АНУ-ын гол төлөв гаргасан олон тэрбум
-Сүрдүүлэн мөнгө завшсан
-Авлига авсан
-Ардчилсан намын Үндэсний зөвлөл Трамп нэр дэвшигчийг устгах зорилгоор Украйны үгсэн хуйвалдсан. Өөр бусад олон зүйл ил болно" гэжээ.
2020 оны сонгууль ойртох тусам АНУ-ын гол хоёр намын тэмцэл улам ширүүсэж, гол нэр дэвшигчид ялалтад хүрэхийн тулд Америкийн төдийгүй гадаадын олон нөлөө бүхий улстөрчдөөр "туг тахих" бололтой.
Сэтгэгдэл (0)
Сэтгэгдэл бичигдээгүй байна