БНХАУ гаднын ямар нэг туслалцаа авалгүй, зөвхөн өөрийн хүчээр барьсан "Шандун" нэртэй нисэх онгоц тээгчийг хүлээн авсан байна. Нисэх онгоц тээгчийг Хятадын ардын чөлөөлөх армийн Тэнгисийн цэргийн хүчинд дамжуулан өгөх ёслолын ажиллагаа мягмар гарагт Өмнөд Хятадын Хайнань мужийн Санья хот дахь тэнгисийн цэргийн бааз дээр болсон тухай Хятадын Батлан хамгаалах яам мэдээлжээ. Ёслолын ажиллагаанд БНХАУ-ын Тэргүүлэгч СиЖинпин, Тэнгисийн цэргийн хүчний 5000 гаруй төлөөлөгчид ба усан онгоцыг барьсан ажилчид оролцжээ.
СиЖинпин нисэх онгоц тээгчтэй танилцан усан цэрэг, нисгэгч нарын амьдарч ажиллах орчин нөхцөлтэй танилцаж, усан онгоцыг барьсан хүмүүстэй уулзан тэдний амжилтыг өндрөөр үнэлсэн гэж Хятадын Батлан хамгаалах яам мэдээлж байна.
Ингэснээр БНХАУ нь "Шандун", "Ляонин" гэсэн хоёр нисэх онгоц тээгчтэй болж байгаа аж. "Ляонин" нисэх онгоц тээгчийг хуучин Зөвлөлтийн үеэс үлдсэн "Варяг" нэртэй нисэх онгоц тээгч хүн крейсер онгоцыг Украйнаас худалдан авч сайжруулан шинэчилж зэвсэглэлдээ авч байсан. Харин "Шандун" нисэх онгоц тээгчийг "Варяг"-тай адил зураг төслөөр, гэхдээ зөвхөн өөрийн инженер, ажилчдын хүчээр барьсан онцлогтой.
Сэтгэгдэл (0)
Сэтгэгдэл бичигдээгүй байна