Өмнөд Суданы Ерөнхийлөгч СальваКиир нь босогчдын удирдагч РиекМачартайэвсийн Засгийн газар байгуулах тохиролцоонд хүрсэн тухайгаа зарласныг "Reuters" агентлаг мэдээлсэн байна. Ерөнхийлөгч Кийр "Бид 100 хоногийн дотор үндэсний эв нэгдлийн Засгийн газар бүрдүүлэх талаар тохиролцлоо. Гал зогсоох гэрээ үйлчилсэн хэвээр байх болно, дайныг дахин эхлүүлэх хүсэл бидэнд огтхон ч алга" гэжээ.
Өмнөд Судан нь 2011 онд Судан улсаас тусгаарлаж бие даасан улс болсон. Тухайн үед одоогийн Өмнөд Суданы нутагт аж төрж байсан хүн амын дийлэнх нь христийн шашинтнууд бол Суданы улс төр, армийн өндөрлөгүүд ба Хойд нутгийн хүн амын олонх нь лалын шашинтнууд байсан. Лалын шашинт хойд эрх баригчид нь өмнөд нутагт лалын шашныг хүчээр нэвтрүүлэх бодлого баримталж эхэлснээс үүдэн 1955 оноос хойш иргэний дайн дэгдэж 2 сая гаруй хүний аминд хүрсэн байдаг. Өмнөд Судан гэхдээ 2011 онд тусгаар улс болсон хэдий ч 2013 онд үндэстэн хоорондын цус мөргөлдөөн дэгдэж ахин иргэний дайны хөлд дарагдсан. Өмнөд Суданы хүн амын олонх болох динка үндэстэн ба цөөнхийн нуэр омгийнхон хоорондын тэмцэл өрнөсөн. Ерөнхийлөгч Киир нь олонх болон динка үндэстний төлөөлөл бол босогчдын удирдагч РиекМашар нь иргэний дайнаас өмнө дэд Ерөнхийлөгчийн суудалтай байжээ.
Өмнөд Судан дах иргэний дайных зогсоох зорилгоор НҮБ нь энхийг сахиулагчдыг тус улсад байршуулах болсон. НҮБ-ын хүчин чармайлтаар Өмнөд Суданы Засгийн газар ба нуэр овгийн босогчид 2018 оны наймдугаар сард Судан улсын нийслэл Хартумд энхийн гэрээ байгуулж, эвлэрлийн Засгийн газар байгуулан, эрх мэдлээ хуваахаар тохиролцож байсан нь ийнхүү одоогоос хэрэгжиж эхэлж байгаа бололтой.
Сэтгэгдэл (0)
Сэтгэгдэл бичигдээгүй байна