​Америк ба Хятадын худалдааны тохиролцооны эхний шат дууслаа

АНУ ба Хятадын хооронд худалдааны гэрээ байгуулах хэлэлцээний эхний шат амжилттай дууссан гэдгийг Цагаан ордны эдийн засгийн асуудал хариуцсан зөвлөх ЛарриКудлоу мэдэгдсэн. Байна. КудлоуFox News Channel сувагт ярилцлага өгөхдөө "Тэд Хятад руу хийх манай экспортыг хоёр дахин нэмэгдүүлнэ" гэж хэлсэн байна.

Вашингтон ба Бээжингийн хооронд удаан үргэлжилсэн хэлцээний явцад хүрсэн тохиролцоо ёсоор АНУ-ын зүгээс Хятадын зарим бараа, бүтээгдэхүүнд ногдуулаад байсан нэмэлт татвараа бууруулах бол Хятад нь дараагийн хоёр жилийн хугацаанд Америкийн хөдөө аж ахуй, аж үйлдвэрлэл ба эрчим хүчний бүтээгдэхүүний худалдан авалтыг 200 тэрбум доллароор нэмэгдүүлэх үүрэг хүлээжээ.

Гэхдээ хоёр улсын удирдагч нар гэрээнд хэдийд гарын үсэг зурах нь тодорхойгүй хэвээр байгаа аж. Кудлоу нь гэрээнд нэгдүгээр сарын эхний долоо хоногт гарын үсэг зурж магадгүй гэсэн ч бичвэрийг орчуулах ажил дуусаагүй байгаа гэжээ.

Худалдааны тохиролцооны хоёр дах шатны хэлэлцээ хэдийд эхлэх талаарх асуултад хариулахдаа Кудлоу "Хоёр дах үе шат ба түүний үр дүн нь эхний шатны амжилт хэр байхаас шалтгаална. Энэ хоёр хэсэг хоорондоо холбоотой байх болно" гэжээ.