Дагавар охиндоо унтуулах үйлчилгээтэй эм өгдөг байсан байж болзошгүй хэргийг шалгаж байна

Сэлэнгэ аймагт оршин суух иргэнээс цагдаагийн байгууллагад өргөдөл ирсэний дагуу хойд охиндоо нойрны эм уулгаж унтуулдаг байж болзошгүй хэргийг шалгаж эхэлжээ. Тодруулбал, ээжийг нь эзгүй хойгуур 13 настай охиныг хойд аав нь болох 40 настай иргэн Г унтуулах эм уулгадаг байж болзошгүй хэрэг гарчээ. Гомдлыг охины ээж цагдаагийн байгууллагад ирүүлснээр шалгалтын ажиллагаа эхэлсэн байна. Хэрэв унтуулах үйлчилгээтэй эм өгдөг байсан нь тогтоогдвол зорилго шалтгааныг тогтоох ажиллагаа мөн хийгдэх бөгөөд Эрүүгийн хэрэг үүсгэн мөрдөн шалгах юм байна.