2020/07/12
USD 2,811

​Филиппинд Зул сарын баяраар хортой архи уусны улмаас 300 хүн хорджээ

О.Шүрэнцэцэг
2019/12/24

Филиппинд Зул сарын баяр тэмдэглэх үеэр наргил модны самраас гаргадаг чанаргүй архинд хордсон 11 хүн амиа алдаж, 300 гаруй хүн эмнэлэгт хүргэгдсэн тухай "Ройтер" агентлаг мэдээлсэн байна. Ламбаног гэж нэрлэгддэг Филиппиний нэрмэл архийг католик шашинтнууд Зул сарын баяр тэмдэглэхдээ их хэмжээгээр уусан нь ийм үр дүнд хүргэжээ. Лагуна, Кесон мужид хамгийн олон хүн хордсон аж. Хордсон хүмүүсийг хүлээн авсан эмнэлгийн эмч энэ талаар ярихдаа "Ламбаногийг наргил модны самрын шүүсийг исгэх замаар гаргаж авдаг. Гэхдээ ингэж исэх явцад метилийн спирт ихээр ялгардаг. Зарим нь цэвэрлэж шүүгээгүйн улмаас метилийн спиртийн агуулга өндөртэй архи зарж байна" гэжээ. Филиппинд гэрийн нөхцөлд дарс исгэх, түүнээс архи нэрэх нь түгээмэл үзэгдэл юм байна. Зарим нь нэрмэлийнхээ хатуулгийг нэмэгдүүлэхийн тулд эрүүл мэнд, амь насанд аюултай элдэв зүйл нэмж хийдгээс метилийн спирт нэмэх нь хамгийн түгээмэл байдаг аж.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна