Малын хулгайн 30 удаагийн үйлдэлтэй этгээдүүдийг баривчиллаа

Сүхбаатар аймгийн цагдаагийн газраас мал хулгайлах гэмт хэрэгтэй тэмцэх чиглэлээр "Идэш" хэсэгчилсэн арга хэмжээг зохион байгуулжээ.

Энэ хүрээнд Эрүүгийн цагдаагийн тасгийн алба хаагчид Уулбаян, Эрдэнэцагаан, Сүхбаатар, Баяндэлгэр, Мөнххаан сумын нутаг дэвсгэрээс бүлэг зохион байгуулалтад орж тээврийн хэрэгсэл ашиглан нийт 30 удаагийн үйлдлээр бусдын 61 бод, 130 бог мал хулгайлж, иргэдэд 74 сая төгрөгийн хохирол учруулсан 8 бүлэг, 21 холбогдогчтой хэргийг илрүүлэн холбогдох шалгалтыг хийж байна.

Түүнчлэн мал хулгайлах гэмт хэрэг үйлдэхэд ашигласан “Портер”, “Бонго”, “Приус 20” маркийн автомашин, хоёр хятад мотоциклыг улсын орлого болгохоор битүүмжилжээ.