Нийтийн цэнэглэгч, үнэгүй WIFI ашиглахгүй байхыг анхаарууллаа

Тагнуулын ерөнхий газраас олон нийтийн газарт компьютер, таблет, гар утас болон бусад хэрэгсэл ашиглан мэдээлэл солилцох үедээ нийтийн цэнэглэгч, үнэгүй WiFi ашиглахгүй байхыг анхаарууллаа. Нийтийн цэнэглэгч буюу USB кабель, үнэгүй WiFi ашиглах нь хувийн мэдээллээ алдах, кибер гэмт хэргийн хохирогч болгох эрсдэлтэй аж. Тодруулбал, халдлага үйлдэгчид цэнэглэгч кабельд нэмэлтээр чип суулгасан байдаг бөгөөд түүнийг ашигласан иргэдийн гар утсан дахь нууц мэдээллийг бусдад худалдах бол он барьцаалдаг байна. Энэ төрлийн халдлага ихэвчлэн нисэх онгоцны буудал, төмөр замын өртөө, зочид буудал гэх мэт олон нийтийн газрын цэнэглэх станц болон бусдын цэнэглэгчийг ашиглах үед үйлдэгддэг. Хохирогч нь аялал, жуулчлалын зорилгоор явж буй иргэд болон албан тушаалтнууд байдаг гэнэ. Харин интернэтэд халдлага үйлдэхэд зориулсан олон тооны хэрэгсэл байдгаас хакерууд хуурамч WiFi сүлжээ цацаж, холбогдсон хүний мэдээллийг цуглуулдаг байна.