Экс Ерөнхийлөгчийг шүүх ажиллагаа аравдугаар сард болно

Францын экс Ерөнхийлөгч НиколяСаркозийгийг буруутгаад буй авлига ба мөрдөн байцаалтад дарамт үзүүлсэн гэх хэргийг шүүх хуралдаанд аравдугаар сарын 5-аас 22-ны өдрүүдэд болох тухай “France-Presse” агентлаг мэдээлсэн байна. Саркози өөрийнх нь эсрэг хэрэг үүсгэн шалгаж байгааг эсэргүүцэн давж заалдсаны дараагаар Парис хотын давж заалдах шатны шүүхээс гомдлыг нь хэрэгсэхгүй болгож шүүх хурлын товыг гаргасан нь энэ аж. Ингэснээр НиколяСаркози нь Францын Тав дах бүгд Бүгд найрамдах улсын түүхэнд авлигын хэргээр шүүгдэх болсон анхны экс Ерөнхийлөгч болж байна. Түүнчлэн давж заалдах шатны шүүх нь энэ хэрэгт нэр холбогдоод байгаа Саркозийн өмгөөлөгч ТьерриЭрзог ба давж заалдах шатны шүүхийн дэргэдэг Ерөнхий прокурорр асан ЖилберАзибер нар нарын гомдлыг хэрэгсэхгүй болсон байна.

Саркозийн сонгуулийн кампанит ажлыг Ливийн дарангуйлагч агсан МуаммарКаддафи санхүүжүүлсэн байж болзошгүй гэсэн үндэслэл байсан тул түүний бүрэн эрхийн хугацаа дууссан 2012 оноос эхлэн Францын цагдаа нар түүний утасны яриаг чагнаж эхэлжээ. Ингэснээр Саркози ба түүний өмгөөлөгч Эрзогийн хооронд болсон нууц хэлэлцээний талаарх мэдээллийг олж авсан аж.

Цагдаа нар Саркозийг өмгөөлөгч Эрзогоор дамжуулан прокурор байсан Азибертэй холбогдож, мөрдөн байцаалтын явцын талаарх нууц мэдээллийг олж авах, мөрдөн байцаалтад нөлөөлөх оролдлого хийсэн гэж үзэж байгаа юм байна. Тодруулбал,  2007 оны сонгуулийн кампанит ажлыг нь гоо сайны “L'Oreal” компанийн хамтран эзэмшигч ЛилианБеттанкур хууль бусаар санхүүжүүлж байсныг гэрчлэх хувийн тэмдэглэлээ буцаан авах гэж оролдсон. Ингэхдээ Саркози нь Азиберийгтусалбал дараа нь Монакогийн вант улсад чухал албан тушаалд томилох боломжтойг хэлж байжээ.

Энэ бүх нууц хэлэлцээг явуулахдаа Саркози нь ПольБисмют гэгч огт байхгүй хүний нэрээр худалдан авсан сим карт бүхий утас ашиглаж, өмгөөлөгч Эрзог нь иргэний үнэмлэхгүйгээр авч болдог нэг удаагийн сим карт бүхий утас ашиглаж байсан аж.