Олон улсын Олимпын хороо /ОУХО/ нь Оросын тамирчдыг 2020 оны Токиогийн тоглолтод оролцуулах талаар шийдвэр гаргахдаа Спортын арбитрын шүүх /CAS/- ийн шийдвэрийг харгалзаж үзэхээр болсон тухай “Reuters” агентлаг мэдээлсэн байна.
ОУХО нь CAS -г шийдвэр гаргасны дараа л Оросын тамирчдын талаарх эцсийн шийдвэр гаргахаар болсон гэдгийг хэвлэлийн төлөөлөгч Марк Адамс нь хэлжээ. Оросын Допингийн эсрэг агентлаг нь Дэлхийн допингийн эсрэг агентлагаас Оросын тамирчдыг олон улсын том тэмцээнүүдээс дөрвөн жилийн хугацаатай хасах шийдвэр гаргасныг хүлээн зөвшөөрөөгүй бөгөөд Спортын арбитрын шүүхэд давж заалдаад байгаа юм.
Оросыг тамирчдыг Олон улсын допингийн эсрэг агентлагийн шийдвэрийг үндэслэнг 2018 оны Пенчханы өвлийн тоглолтоос хасаж байсан. Допинг хэрэглээгүй нь нотлогдсон Оросын тамирчид тус тоглолтод “Оросоос ирж оролцож байгаа Олимпын тоглолтын тамирчид” гэсэн статустайгаар оролцсон байдаг.
Сэтгэгдэл (0)
Сэтгэгдэл бичигдээгүй байна