Австралийн ой түймрээс дэгдсэн утаа Бразилын өмнөд эрэгт хүрсэн тухай тус улсын цаг уур судлалын “MetSul” компани мэдээлсэн байна. Түймрийн утаа нь тэнгэрийн өнгийг сааралтуулах болсон нь өмнөд нутгийн Риу-Гранди-ду-Сул мужид хамгийн тод ажиглагдах болжээ. Утаа нь агаар мандлын дээд давхаргад байгаа тул Бразилын экологийн байдалд ноцтой хохирол учруулахгүй гэж цаг уур судлаачид үзсэн байна.
Үүний өмнө Австралийн түймрийн утаа Аргентин, Чилийн нутаг хүрээд байгаа тухай мэдээлж байсан. Австралийн ой түймэр есдүгээр сараар хойш үргэлжилж байгаа юм. Энэ хооронд түймрийн улмаас 25 хүн амиа алдаж, олон сая араатан амьтад үхсэн байна. Түймрийг унтраах ажилд 2500 гал унтраагчид, олон зуун техник, 100 орчим онгоц өдөр шөнөгүй ажиллаж байгаа юм.
Сэтгэгдэл (0)
Сэтгэгдэл бичигдээгүй байна