Хулгайгаар буга агнасан этгээдийг баривчилжээ

Ховор ангийн жагсаалтад орсон амьтныг хууль бусаар агнаж , эд эрхтнийг аймгийн төвд оруулж ирэхийг завдаж байсныг тус цагдаагийн газрын Эрүүгийн цагдаагийн тасгийн алба хаагчид илрүүлэн, гэмт этгээдүүдийг баривчлан саатуулж, галт зэвсэг бүхий эд зүйлсийг хураан авч, шалгалтын ажиллагааг хийж байна.

Мөн мал хулгайлах гэмт хэргийг галт зэвсэг, тээврийн хэрэгсэл ашиглан үйлдэж байгаа тул малчид малаа хариулгатай байлгаж, сонор сэрэмжтэй байхыг цагдаагийн газраас сэрэмжлүүлж байна.
Гэмт хэрэг зөрчлөөс урьдчилан сэргийлэх тухай хуулийн 35 дугаар зүйлийн 1 дэх хэсэгт “Гэмт хэрэг, зөрчил үйлдэхээр бэлтгэж байгаа болон үйлдсэн тухай мэдээллийг гэмт хэрэг, зөрчлийг хянан шалгах эрх бүхий байгууллага иргэдээс төлбөртэй авч болно” гэж заасны дагуу орон байр, мал хулгайлах гэмт хэрэг , хууль бус ан агнуур болон бусад гэмт хэрэг зөрчлийн талаарх мэдээ мэдээллийг 7038102, 80357272 тоот утсанд мэдэгдэж ,цагдаагийн байгууллагатай хамтран ажиллана уу.

Эх сурвалж: Хөвсгөл аймаг дахь Цагдаагийн газар