2020/07/05
USD 2,811

Зөвшөөрөлгүйгээр өөх соруулах мэс засал хийж, хүний аминд хүрсэн Тод каннам эмнэлгийн эмч нарыг маргааш шүүнэ

О.Шүрэнцэцэг
2020/01/12

Өнөөдрөөс есөн сарын өмнө Эрдэнэт хотын иргэн 30 настай О Улаанбаатар хотод байх Тод каннам эмнэлгээр үйлчлүүлж байхдаа амиа алдсан харамсалтай хэрэг гарсан. Талийгаач 168 см өндөр, 61 кг жиниэй байсан бөгөөд тус эмнэлэгт өөх соруулах хагалгаанд орсон юм. Харамсалтай нь хагалгааны үеэр үйлчлүүлэгчийн бие муудаж, Улсын Нэгдүгээр төв эмнэлэгт хүргэгдэн, Эрчимт эмчилгээний тасагт 4 хоног эмчлүүлээд амиа алдсан. Тод каннам эмнэлэг нь гоо сайхны мэс засал хийх тусгай зөвшөөрөлгүй, мэргэжлийн эмчгүйн зэрэгцээ хаяг байршлын зөрчилтэй, эмнэлгийн нэн шаардлагатай тоног төхөөрөмжгүйгээр мэс засал хийсэн нь НМХГ-ын дүгнэлтэд тусгагдсан байдаг. Цогцост хийсэн Шүүх шинжилгээний дүнгээр “бутарсан өөх цусанд орж, тархины судсыг бөглөснөөс тархи үхэжсэн...” болохыг дүгнэжээ. Уг хэргийг ХУД-ийн цагдаагийн хэлтэст шалгаж, прокурор хяналт тавьж, шүүхэд шилжүүлсэн байна. Шүүх хурлын тов гарсан бөгөөд 2020.01.13-ны өдрийн 11.00 цагаас ХУД-ийн Эрүүгийн хэргийн анхан шатны шүүхэд болно.

Зариг.мн сайтын сурвалжлах баг Эрдэнэт хотоос талийгаачийн аав ээж болон, охиныг нь оролцуулан сурвалжлага бэлтгэн хүргэсэн. Даваа гарагт болох шүүх хурлаас мөн мэдээллийг бэлтгэн, шууд дамжуулан хүргэх болно.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
43.231.114.34 |   2020/01/12
Ум ма ни бад мэ хум. Учир жанцан ийм байсан юм болов уу даа. Энэ олон мөнгөний эмнэлэгийг журамтай болгомоор. Зарим нь ч яахав хүний мөнгө авах гэж байгаа гэдгээ мэдээд худлаа наль наль хийнэ, зарим нь бүр загнаад байна. Өвчтөний хувийн асуудалд оролцож хэрэгт дурлаад ,загнаад бай гээд эмчийн тангарагт нь заасан байдаггүй л байлтай. Ёс зүй, чиг хандлага шаардсан энэ үед мөнгөний, харьцаа муутай эмч нар нэг их хол явахгүй гэдгээ мэдэж явбал олж байгаа мөнгө нь хоол болох байлгүй дээ.
Хариулах
43.231.114.34 |   2020/01/12
Ee chaos. Bitgii iim zalhuu bldaa. Ooh soruulah hurtlee bolohoo bsan Jintei hun bish bn shd
Хариулах