2020/07/05
USD 2,811

“Болор цом-37” наадмын тэргүүн шүлэг "ЖАМЫН ЦАС"

О.Шүрэнцэцэг
2020/01/12

Эгшиглэнт эхийн хишигт яруу найрагчийг тодруулах "Болор цом-37" наадам энэ сарын 4-нд зохион байгуулагдаж, яруу найрагч Б.Жамбалдорж "Жамын цас" шүлгээрээ "Болор цом"-ын эзэн боллоо.

Наадмын эхний шатны шалгаруулалтад 30 яруу найрагч тунаж үлдээд байсан бөгөөд Их зохиолч Д.Нацагдоржийн төрсөн нутаг Гүн Галуутайн Багануур дүүрэгт зохион байгуулагдснаараа онцлог байв.

“Болор цом-37” наадмын тэргүүн шүлгийг та бүхэнд хүргэж байна.

Бургасан унь нахилзуулан гэрийн цас шүүрдэж
Бусдын дээгүүр будрууланхан байхдаа
Үүдээр цухуйх аавынхаа дээрээс
Үлээсэн цас минь үснийх нь сор болсон
Халуун уур савссан тооноор унасан цас
Хайртай ижийн минь санчигт бас хүрсэн
Хааш яайш цацан бужигнуулсн цасан дор
Хамгийн бага дүү минь алгаа дэлгэж зогссон
Өглөө эртээ явсан ижийнхээ мөрийг шүүрдэж
Өдөр явах замаа гаргаж зогсдогсон би
Шинэхэн цас орсон өглөө
Шинэ мөр хайгаад л ижийгээ саначихлаа
Тийм дотно мөр, харалгүй удаж ээ
Тэнгэрээс нэг удаа үзүүлээд өгдөг ч болоосой
Зөөлөн гишгэх алхаан дундаасаа
Зөн минь сэрээд л ижийгээ ирэх нь гээд итгэчихлээ
Явган хүний ганц нарийхан жимээр
Явсаар ижийдээ хүрнэ гээд сэтгэчихлээ
Дээрээс хэн нэгэн харж байгаа бол
Дэрсэн шүүрээр би бурханы тиг татаж харагдана
Нэвсийтэл дарсан цасан дунд нэг хүү
Нээрээ л ижийгээ санаж дээ гэж бодогдоно
Мөр, нуруун дээр минь зузаан цас малгайлахад
Мөн чиг хүнд санагдаад ажин түжин
Мөнх бусын тухай эргэцүүлэхэд тэр цас
Мөрийг минь дарж хаялаад үнэн санагдана
Огторгуй өөд ширтэн ширтэн хэвтэхэд
Олон морьтон давхилдсаар нүдэн дотор минь унана
Жамын тухай бодоход мөн чанар нь танигдаад
Жаргал зовлон хоёр минь тэнцүүхэн болчихно
Нэг л өвлийн цастай амьдрал гэдэг сууринд
Нээрээ л би чинь будраад өнгөрөх цас аа


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
43.231.114.34 |   2020/01/13
Yamar goyo shvleg we argagvi l bolor tsomd shalgarahaas yahaw tsaashdiin uran bvteeld n amjilt hvsee
Хариулах
43.231.114.34 |   2020/01/12
..amidraliin mini saihan much setgeld buuj nudend haragdah yum. Hungun biir .eer ingej bi chihees iluu yah vee
Хариулах
43.231.114.34 |   2020/01/12
Neg ork hunii amidraliin mun chanariin tuhai iim aguu shulegiig oilgohgui bj bas taaruuhan gj chee chaavaas daa ork bolj turuugui ni yamar ih az vee oiriin heden jil iim goyo shuleg sonsoogui bolhoor mash olon huniig bayarluulsan shuleg shuu bayarlalaa
Хариулах
43.231.114.34 |   2020/01/12
тааруухан шүлэг юм.яаж шалгарсан юм бол.өмнөх болор цомын шүлгүүдээс хамгийн тааруу нь бна
Хариулах
43.231.114.34 |   2020/01/14
buten unshij chadsangui taaruuhan yum\n