Ираны Лалын хувьсгалыг хамгаалагчдын дарга Украйны онгоцыг андуурч унагасны төлөө уучлалт гуйлаа

Ираны Лалын хувьсгалыг хамгаалагчдын корпусыг захирагч ХосейнСалами нь өнгөрсөн ням гарагт Украйны онгоцыг андуурч буудан унагасны төлөө уучлал гуйсан байна. “ISNA” агентлагийн мэдээлж буйгаар ХосейнСалами “Би амьдралдаа хэзээ ч ингэж ихээр шаналж байгаагүй... Бид алдаа гаргаж, түүнээс болж эх орон нэгт олон хүн амиа алдлаа. Бид уучлал гуйж байна” гэжээ.

Украйны онгоцыг андуурч буудах болсон шалтгааныг талаар “Тэр шөнө Персийн булан дах Америкийн бүх онгоц, нисдэг тэрэгнүүд агаарт байсан. Бид бүгд дайны уур амьсгалд автсан байсан” гэжээ. Улмаар ийм олон онгоц агаарт байсан маш ээдрээтэй үед хүний хүчин зүйл оролцсоноор хөөрөөд удаагүй байсан онгоцыг Тегеран руу харвасан Америкийн далавчит пуужинтай андууран буудаж унагасан ажээ.

Украйны “МАУ” компанийн “Boeing-737” сөнөсний улмаас 176 зорчигч амиа алдсан дотор Иран, Афганистан, Герман, Канад, Украйн, Их Британи ба Шведийн иргэд байжээ.

Лалын хувьсгалыг хамгаалагчдын корпусын удирдлагууд буруугаа хүлээж уучлал гуйсны дараагаар Ираны том хотуудад оюутнууд эсэргүүцлийн жагсаал эхлүүлсэн тухай мэдээ ирж байна. Жагсагчид Ираны одоогийн төр, Засгийг халж, ардчилсан нийгмийг шаардахтай зэрэгцээд, гаднын ямар ч нөлөөгүйгээр өөрсдөө бие даан жагсаал хийж байгаа гэсэн утгатай уриа лозун барьж жагссан аж. Гэвч Их Британи улсаас Иранд суугаа Элчин сайд нь онгоцны ослоор үрэгдсэн нутаг нэгтнүүдээ үдэх ёслолд оролцсон дараа жагсагчидтай нууцаар уулзан эсэргүүцлийн жагсаалыг нь дэмжсэн мэдэгдэл хийсэн гэдгийг Ираны тал мэдээлжээ. Иймд одоо Их Британиас Иранд суугаа Элчин сайдыг нутаг руу нь буцаах талаар шийдвэр гаргаж магадгүй болоод байгаа аж.

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 01 сарын 13  [ 43.231.114.34 ]
Zochin

Umhii laluud allah mini geed l nugel hiigeed bhiimaaa arhi uuh bugsuu tsaasaar archih emegteichuud ni tolgoigoo il gargah ni nugel gesen murtluu dai hiigeed hun alaad nugel hiigeed estoi muuhai shashintai humuus

Top