Японы тэрбумтан ЮсакуМаэзава Сар руу нисэхээр шийдэж, энэ урт удаан аялалд нь хамт явах эмэгтэйг хайж байгаагаа “Twitter” хуудсаараа жиргэжээ. Хамт нисэх бүсгүйг уралдаанд шалгаруулалтаар сонгож авахаар болсон байна. Сонголтын сайт дээр “Энэ онцгой газар руу нэг онцгой хүнтэй хамт явна. Маэзава нь нүүр тулан сүй тавих энэхүү төслөөр дамжуулан амьдралынхаа ханийг олохыг хүсэж байна. Маэзаватай хамтаар хүн ба нийгмийн ашиг тусын тулд хамт ажиллах сонирхолтой бүсгүйчүүдийг сонгон шалгаруулна” гэжээ. Тэрбумтантай хамт нисэх бүсгүй нь ганц бие, 20-с дээш настай, эерэг сэтгэлгээтэй, хөгжилтэй хүн байх ёстой гэнэ. Мөн Сар руу нислэг хийх эрчимтэй бэлтгэлд гарахад бэлэн байх ёстой гэжээ. Сонгон шалгаруулалт энэ сарын 17-ыг хүртэл үргэлжилнэ.
Сэтгэгдэл (0)
Сэтгэгдэл бичигдээгүй байна