2020/07/05
USD 2,811

Эх газрын Хятадтай нэгдэхийг тууштай эсэргүүцэгч Тайваний Ерөнхийлөгчөөр сонгогдов

О.Шүрэнцэцэг
2020/01/13

Тайванд нэгдүгээр сарын 11-нд болсон парламентын сонгуулиар эх газрын Хятадтай нэгдэхийн эсрэг бодлого явуулдаг Ардчилсан хөгжлийн нам ялалт байгуулж, мөн тэр өдөр давхар явагдсан Ерөнхийлөгчийн сонгуулиар тус намын дарга Цай Инвэньдахин сонгогдсон байна. Цай Инвэнь төр барих үед Тайванийгтусгаар улс гэж хүлээн зөвшөөрдөг орны тоо 21 байснаа 15 болж цөөрсөн, армиас тэтгэвэрт гарсан хүмүүст сөргөөр туссан өөрчлөлтийг тэтгэврийн хуульд оруулсан, ЛГБТ хүрээний хүмүүсийг дэмжин, уламжлалт байр суурьтай хүмүүсийг бухимдуулсан гээд сонгогчдын дундах рейтинг нь бага байсан ч эцсийн дүнд ялалт байгуулж, Ерөнхийлөгчөөр давтан сонгогдсон. Түүнийг Ерөнхийлөгчийн сонгуулиар ялалт байгуулахад гол хоёр хүчин зүйл нөлөөлсөн гэдэгт шинжээчид санал нийлжээ. Үүнд: АНУ-ын зүгээс Цай Инвэний явуулж байгаа бодлогыг 100 хувь дэмжсэн. Дэмжлэгээ ил тод харуулахын тулд АНУ-ын Ерөнхийлөгчийн аюулгүй байдлын зөвлөх Жон Болтон нь Тайванийн Ерөнхийлөгчийн аюулгүй байдлын зөвлөхтэй сүүлийн олон арван жилийн хугацаанд анх удаа уулзсан. Ялалтад хүргэсэн хоёр дах хүчин зүйл нь Хонконг дах эсэргүүцлийн жагсаал цуглаан. Бээжингийн бодлоготой санал нийлэхгүй байгаа хүмүүс ямаршуу хатуу хариу авч болдгийг харсан тайванчууд Цай Инвэний төлөө саналаа өгөхөөс өөр аргаг байгаагүй гэнэ.

Цай ИнвэньТайванийг тусгаар улс байхад шаардлагатай бүхнийг хийнэ гэдгээ батлахын тулд АНУ-аас 2,2 тэрбум долларын танк, зенитийн пуужинт систем худалдан авах гэрээ байгуулж чадсан. Мөн 8 тэрбум доллароор АНУ-аас 66 ширхэг F-16 сөнөөгч онгоц худалдан авах гэрээг ч амжилттай байгуулсан.

 

 


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
43.231.114.34 |   2020/01/13
Эмэгтэй ерөнхийлөгчтэй болох юм сан.
Хариулах