Москвад болсон Ливийн иргэний дайны хоёр талын гал зогсоох тухай хэлэлцээ бодит үр дүнд хүрэлгүй дууссан тухай Ливийн Парламентын зөвлөх Хамид аль-Сафи мэдэгдсэн байна. Орос ба ба Туркийн Гадаад хэрэг Батлан хамгаалах яамдын сайд нар ба сөргөлдөгч хоёр талын удирдлагын оролцсон хэлэлцээ зургаан цаг гаруй үргэлжилжээ. Хэлэлцээний үеэр ФайезСарражийнтэргүүлж байгаа Ливийн Үндэсний эв нэгдлийн Засгийн газрын ба маршал ХалифХафтарын удирддаг Ливийн үндэсний армийн хооронд гал түр зогсох тухай гэрээнд гарын үсэг зурах боломжийн талаар ярилцсан.
Орос ба Туркийн Ерөнхийлөгч нар энэ сарын найманд уулзах хэлэлцээ хийхдээ Ливийн сөргөлдөгч талуудыг гал зогсоож, хэлэлцээний ширээний ард суухыг уриалан, тус тусын нөлөөллийн талыг ятгасны дараа энэхүү чухал уулзалт болсон. Гэвч уулзалт анхнаасаа нэлээд ээдрээтэй эхэлсэн. Хафтарын тал нь Үндэсний эв нэгдлийн Засгийн газар зэвсэг, хүч хүчээр тусалж байгаа Туркийг хэлэлцээнд ажиглагчаар оролцохыг эсэргүүцсэн. Харин ФайезСарраж нь маршал Хафтартай уулзахаас татгалзсан. Хэлэлцээний явцад ФайезСарраж гал зогсоож, улс төрийн хэлэлцээ харилцан яриаг эхлүүлэх гэрээнд гарын үсэг зурахыг зөвшөөрсөн бол маршал Хафтар татгалзсан байна. Ингэснээр талууд нь Орос ба Туркийн санаачилгыг дэмжиж байгаа ч эсрэг талаар тохиролцоог зөрчсөн даруйд хариу өгнө гэсэн мэдэгдэл хийснээр уулзалт дуусжээ.
Маршал Хафтарын арми 2019 оны дөрөвдүгээр сараас нийслэл Триполийг чөлөөлөх ажиллагааг эхлүүлж, Үндэсний эв нэгдлийн Засгийн газар нь бага багаар байр суурь, хяналтад байдаг нутгаа алдсаар байгаа юм. Иймд Үндэсний эв нэгдлийн Засгийн газар нь Турктэй Газрын дундад тэнгис дэх нөлөөллийн бүсээ хуваалцах нууц гэрээ байгуулсан. Гэрээний дагуу Турк нь Газрын дундад тэнгис дэх Кипр арлыг тойрсон усыг хяналтдаа оруулж, далайн ёроолоос шатдаг хий олборлох эрх зүйн үндэслэлтэй болсон. Хариуд нь Үндэсний эв нэгдлийн Засгийн газар нь Туркээс сум, зэвсэг, байлдааны техник, Туркийн талыг баримтлагч Сирийн зэвсэгт бүлэглэлүүдийн хүн хүчний дэмжлэг авч эхэлсэн.
Сэтгэгдэл (0)
Сэтгэгдэл бичигдээгүй байна