Г.Алтангийн сая долларыг өгч чадахгүй байсан МАН нэр дэвшигчдээсээ нэг ч төгрөг авахгүй гэв үү

Сонгууль дөхөөд со­лио­той гоё мэдээллүүд байн байн сонсогдох бо­лов. Тэдгээрийн нэгийг МАН-ын генсек Д.Амар­баясгалан дөрөв хоногийн өмнө дуулгалаа. “…Нэр дэвшигчдэд бусад улс төрийн намтай адил сан­хүүгийн шалгуур тавихгүй. Намууд сонгуулийн хандивт тодорхой босго тавьж, хандиваа өгсөн хүмүүсийг нэр дэвшүүлдэг. Манай нам энэ удаа ийм бодлого барихгүй. Аль болох улс төрийн намын санхүүжилт ил тод байх зарчмаар ажиллана” гэв. МАН-ын дарга У.Хүрэлсүх ч намынхаа бүлгийн хурал дээр орж ирээд 2020 оны сонгуульд нам нэр дэвшигчдээсээ нэг ч төгрөгийн хандив авахгүй гэдгээ хэлсэн байна.

Бодлогын хувьд энэ байж болно л доо. Гоё сонсогдож байна. Гэхдээ бодит байдлыг харвал боломжгүй шийдвэр юм.

 

 

МАН бол Монголын хамгийн олон байшинтай нам, тэнд маш олон хүн ажилладаг. Ус, тог, халаалт, дээрээс нь намын аппаратын цалин пүнлүү гээд урсгал зардал нь л гэхэд замбараагүй юм болно.

МАН-ынхан өөрсдөө ч үүнийг маш сайн мэднэ. Урсгал зардлаа дийлэхгүй өр тавьж байсан үе ч бий.

МАН 2012 оны сонгуульд ялагдчихсан, одоогийн УИХ-ын дарга Г.Занданшатар генсек нь байв. 2012 оны арваннэгдүгээр сарын 6-ны өдөр МАН-ын генсек Г.Занданшатар, иргэн Г.Алтан хоёр Зээлийн гэрээ байгуулж, МАН-ын дотоод үйл ажиллагааны зардалд хэрэглэхээр 1.0 сая ам.долларыг сарын 2.9 хувийн хүүтэй авсан байдаг. Зээлийн гэрээ байгуулсан өдрөө Г.Занданшатар, Г.Алтан хоёр бас Барьцааны гэрээ байгуулсан. 1.0 сая ам.долларын барьцаанд Чингэлтэй дүүргийн V хороо, VI хороолол дахь 7550 м.кв талбайтай оффис үйлчилгээний барилгыг  мөн хаяг дээрх 4712 м.кв талбайтай газрын хамт барьцаалжээ. Тэр нь тухайн үед Нийслэлийн МАН-ын байр байсан, сүүлд Үлэг гүрвэлийн музей болчихдог, олны мэддэгээр Лениний музей юм.

Өнгөрсөн хугацаанд МАН, Г.Алтан хоёр шүүхээр мөн ч их заргалдсан даа. Шүүхийн шийдвэр Г.Алтангийн ч талд, МАН-ын ч талд гарч байв. Сүүлдээ учир нь ч олдохоо больсон. Ямартай ч одоогоос хоёр жилийн өмнө Г.Алтан ам нээхдээ “…Нам надаас авсан зээлээ төлөөгүй байгаа. Тэгэхээр үүргийн гүйцэтгэл хангагдаагүй байхад барьцаа  чөлөөлөгдөхгүй. Ийм байдалтай байгаа” гэж хариулсан байдаг. Түүнээс хойш МАН-ынхан Г.Алтангийн өрийг төллөө гэж дуулдаагүй. Тэгэхээр хүү нь гэхэд л тоймоо алдсан байж таарна. Харин Г.Алтангийн өрөнд Төрийн банк өртөөд байгаа тухай мэдээлэл л хэвлэлүүдээр нэлээд гарсан.

МАН ийм л байв. Гэхдээ өнөөдөр 2012 он биш 2020 он л доо. МАН баяжжээ. Арга ч үгүй биз дээ. 2012 онд нэг иргэнээс намдаа хэрэглэх мөнгөө өндөр хүүтэй зээлж авч байсан МАН-ынхан 2016 оны сонгуулиас хойш зээлд биш тендер, сангийн хөрөнгийн асуудалд бүгд холбогдсон.

Тодруулбал, 2016 оноос хойш олны дунд дуулиан тарьж, дургүй хүргэсэн ЖДҮ-гийн хэрэг МАН-ынх, Хөдөлмөр эрхлэлтийн сангийн дээрэм МАН-ынх, хэдэн тэрбумын концесс “хуссан” асуудал МАН-ынх юм.

Ямар сайндаа л МАН-ын дарга У.Хүрэлсүх 2019 оны наймдугаар сард Улсын онцгой комиссын өргөтгөсөн хуралдаан дээр “…Хулгай хийнэ, хүн амины, хүчингийн хэрэгт холбогдоно, концессдоно, ЖДҮ-днэ гээд ер нь бүх юмыг хийж байгаа. Ийм төр байж болохгүй” гээд сууж байх вэ дээ.

Нэг үгээр хэлэхэд, өнгөрсөн гурван жил гаруй хугацаанд Монгол биш МАН-ынхан өөрсөддөө маш өндөр дүнтэй хөрөнгө оруулалтуудыг хийсэн. Энэ үнэн. Жинхэнэ зорилтот бүлэгт хүрэх ёстой ЖДҮ-гийн зээлийг тэрбум тэрбумаар нь тэд л авсан. Концесс авч засгаа унагаж байсан нөхдүүд нь  “…Бид ийм жижиг асуудалд холбогддоггүй” гэх ухааны юм ярьж, намынхаа ЖДҮ-чдийг тавлаад  хэвлэлийн хурал хийж байсныг та бүхэн мартаагүй байх. МАН ингэж л ажилласан.

 

МАН мөнгө тарьдаггүй. Ямар ч нам хандив авч л амьдардаг. Ер нь бол нэр дэвшигчдээсээ хандив, санхүү авна гэдэг намуудын хувьд байдаг л зүйл бөгөөд эрүүл үзэгдэл гэдэг юм. Өөр яах юм бэ. 60 тэрбумын бичлэгт “…Намын байрны өмнө цүнхтэй мөнгө өгөөд явсан гэдэг. Хэн яасан нь мэдэгддэггүй” гэж МАН-ын дарга асан М.Энхболдын ярьсан нь одоо цахим сүлжээнд байж л байна.

Хэрэв гишүүдээсээ татвар хураамж авахгүй гэвэл өнөө хэдэн гадаад дотоодын хөрөнгө оруулагч, бизнесмэнүүдээ цүнхтэй мөнгө бариулаад намын байр руугаа гүйлгэх гээд байна уу. Аль эсвэл төрийн баахан сан хоосолсон, концесс түүсэн нөхдүүд нь намаа санхүүжүүлэх үү. Аль нь вэ.

Ямар ч байсан энэ сонгууль, түүний дараах МАН-ын санхүүжилтийн асуудал анхаарал татаад эхэллээ. Тэд хаанаас, ямар санхүүжилт авч “амьжиргаагаа залгуулах” гэж байгаа нь сонин байгаа юм. Хамгийн ойлгомжтой зүйл гэвэл МАН-ын санхүүжилт далд хэлбэрт шилжсэн байна. Үүнийг АТГ, ЭЦА, ТЕГ гурав л ил болгож чадах билээ.

Сэтгэгдэл (14)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
7 цагийн өмнө  [ 43.231.114.34 ]
түшиг

Татвар төлөгчдийн мөнгөөр шоудаад үзээрэй новшнууд аа.кармаанаасаа гарга??????

23 цагийн өмнө  [ 43.231.114.34 ]
иргэн

АН засаглаж байна гэж өмч хувьчлалыг өөрсдийн намынхандаа хувьчилж өгсөн л гарууд шүү дээ үылдвэржсэн орон байсныг импортлогч орон болгож элгээр нь хэвтүүлсэн энэ их бонд монд гээд 12.0 их наядын Өнөрөө сэтгүүлч бичихгүй ярихгүй байгаа юм бэ чи АН ны сэтгүүлч чинь мэдэгдэж байнаа

23 цагийн өмнө  [ 43.231.114.34 ]
зочин

АН нам 2012-2016 онд төр барьж олон төрлийн бонд ТЗ нүүрс үнэ тогтворжуулна гээд улсад 11,5 их наядын мөнгийг засгаас хусаж өршөөлийн хуулиар хамгааллууд хэрэгсэхгүй болгож эргэж төлөгдөхгүй болгосон түүний хажууд ЖДҮ сангийн мөнгүүд бага хүүтэй ч эргэж төлөгдөнө алга болчихгүй байхаа

2020 оны 01 сарын 17  [ 43.231.114.34 ]
иргэн

адгийн новшнууд .хогын шаарнууд.. хүн сүгнүүдийг сонгуулиар зайлуулж санаа амарцгаая даа

2020 оны 01 сарын 15  [ 43.231.114.34 ]
Зочин

Бид буруу зүйлийг байдаг л юм, байх ёстой гэх мэтээр хүлээж авдаг болж эсвэл заавал буруутгаж харлуулах донтой болчихсон юм уу? Эрдэнийн хэлдэг шиг мөнгөтэй хүн улстөрд орох ёстой юу? Зар сурталчилгааны мөнгийг өөрөө хандиваар босгочихвол мөнгөгүй хүн ч нэр дэвших боломжтой болохыг харуулж байна. Зөв эхлэл шүү!

2020 оны 01 сарын 15  [ 43.231.114.34 ]
Зочин

Ахмадаа алагчилж гадуурхадаг үндсэн хууль зөрчдөг МАН

2020 оны 01 сарын 14  [ 43.231.114.34 ]
Зочин

Хандив байх ёстой.тэр бол нөгөө хүнийг хариуцлагажуулж байгаа хэрэг.Ер нь өөрт нь мөнгөгүй байж болно.Олон түмэн зөв хүнд хандив өгч болно.

2020 оны 01 сарын 14  [ 43.231.114.34 ]
иргэн

Он гарсанаас хойш МАН-н нэр хүнд муу дээр муу муухай дээр улцан гэгч боллоо.Занданшатар ямар их баяртай байгаа нь сонирхолтой. Тэр малилзтал инээн хүн хүн рүү дэмжинэ биз гээд л алхаа яаран цохиж байлаа. Олон түмний яриа оргүй биш гэдэг дээ.Ерѳнхийлѳгч Хаан банкны хамгийн том хувьцааг авч ;хувьчилхаар зэхэж байгаа Тѳрийн банкыг Занданшатар учирыг нь олох гээд байгаа гэдэг яриа ортой байж магадгүй юм. Гэхдээ ард түмэндээ хайртай хүмүүс болж ѳѳрсдийн хүмүүст зээл ѳгѳѳд ѳрийг нь дарах зам ; сонгуулийн шоу ; дээрмийн ажлаа давхар давхар гүйцэтгэн иргэдээ талцуулж улс орныхоо Э/З-ыг улам ѳрѳнд ѳгѳв

2020 оны 01 сарын 14  [ 43.231.114.34 ]
Шороотын Цэвээн

Алтан ацын мөнгө гэж юу байсын. Хулгайч новш.

2020 оны 01 сарын 14  [ 43.231.114.34 ]
хүн

АН МАН тэр МАХН нтр бүгд л дандаа хулгайчдаас бүрддэг нам нэртэй бүлэглэлүүд, эднийг өөр өөр зорилго чиглэлтэй бүлэгүүд гэж харах хэрэг байхгүй бүхэлдээ ганц хулгай хийж өөрсдийгөө болгох зорилготой хүмүүсийг бөөгнөрөл гэж харах хэрэгтэй. монголд үнэндээ нам байхгүй байгаагүй. 90 оноос өмнө нам бол ажил албан тушаал эрх мэдэлд хүрдэг хэрэгсэл мөн элдэв нийгмийн булхайг нуун далдалдаг үүр байсан одоо ч энэ үүрэг функц нь хэвээрээ илүү дор харгис хулгайн шинжтэй болсон. МАН АН МАХН БОЛ БҮХ БОЛОХГҮЙ МУУ МУУХАЙ НЬ ШИЛЭГДЭЖ ХОЦРООД ГАЙГҮЙ ЗӨВ ГЭСЭН ГАДУУРХАГДДАГ ШИЛЭГДМЭЛ ХУЛГАЙЧДЫН ҮҮР ШҮҮДЭЭ.

2020 оны 01 сарын 14  [ 43.231.114.34 ]
Готов

АН шиг хэн мөнгөтэйгийн нь нэр дэвшүүлнэ гээгүй байна шүү дээ. Энэ бас нэг хөлсний бичээс бололтой

2020 оны 01 сарын 14  [ 43.231.114.34 ]
Зочин

Сайн бна ш дээ.Монгол хүний мөн чанар маш мууджээ.Хандив авахгүй гэхээр бас муу хэлээд хардаастай.Хандив авна гэвэл бас л муу хэлээстэй бна байх.Зөв юмны эхлэлийг зөв хүлээж авч чадахгүй сонин муу зуршилтэй ард түмэн болжээ.Муу муухай үг хэлж доромжилж байж кайф авдаг гаж болжээ.Энэ хэдэн жил хийе гэсэн зүтгэлтэй бас ч гүй урдны буруу зөрүү зүйлүүдээ засах хандлагатай урд хожид бгаагүй зүйлүүд харагдаж бна .Алдаа оноо аль аль бгаа л байх .Дэмжиж бнаа.

2020 оны 01 сарын 14  [ 43.231.114.34 ]
Zz

Ardiin nam ardiin munguur songuulid oroh n todorhoi boltsiin bishvv..\n\n

2020 оны 01 сарын 14  [ 43.231.114.34 ]
бббб

Хулгай хийнэ ард Хүрэлсүх байна. Хүчин хийнэ Хүрэлсүхийн хуурай дүү нар хийнэ. ЖДҮгээс мөнгө хулгайлна. Хүрэлсүхийн фракц хулгайлна. Бүүр сүүлдэээ нутгийн допинг авилгал хоёроор аварга авч өгнө. Ийм өгөр хулгайчийг ямар биздакууд нь дэмжээд байна аа

Top