Британийн допингийн эсрэг агентлаг “UKAD” нь гүйлтийн Олимп, дэлхийн олон удаагийн аварга МоФарагийнсэргээшийн сорьцыг Олон улсын допингийн эсрэг агентлаг “WADA”-д шилжүүлэн өгч давтан шалгуулахаас эрс татгалзсан байна. Ингээд зогсохгүй “UKAD”-ын тэргүүн НикольСапстед нь тамирчны сорьцоос хориотой бодис илэрнэ гэсэн хөдөлшгүй нотлох баримтыг “WADA” гаргаж ирээгүй цагт МоФарагийн сорьцыг хэзээ ч давтан шалгуулахаар явуулахгүй гэж мэдэгдсэн байна.
Эргэн сануулахад 2015 онд тухайн үеийн Оросын Допингийн эсрэг агентлаг РУСАДА нь тамирчдынхаа сорьцыг давтан шинжлүүлэхээс татгалзсаны дараа “WADA” нь РУСАДА-ийн эрхийг хасаж, тэргүүн ГригорийРодченковыг нэн даруй халахыг шаардсанаар одоо ч үргэлжилж байгаа Оросын тамирчдыг системтэйгээр допинг хэрэглэсэн гэж тэмцээн уралдаанаас хасах кампанит ажил эхэлсэн юм.
Иймд яг адил зөрчил гаргаж “WADA”-ийн дүрмийг бүдүүлгээр зөрчөөд байгаа “UKAD”-ын эсрэг ямар арга хэмжээ авахыг дэлхийн бүх улсуудын Олимпын хороод, Допингийн эсрэг агентлагууд анхааралтай ажиглаж байна.
МоФарагийн дасгалжуулагч АльбертоСалазрыг допинг хэрэглэсэн хэргээр дасгалжуулах эрхийг нь хассаны дараахан энэ бүхэн дуулиан дэгдээд байгаа юм. МоФара нь холын зайн төрөлд Олимпын дөрвөн удаагийн аварга, дэлхийн зургаан удаагийн аварга, Европын долоон удаагийн аварга, домог болсон тамирчин юм.
Сэтгэгдэл (0)
Сэтгэгдэл бичигдээгүй байна