МАК, МАН-ын дарга хоёрын хэн нь дийлэх вэ?

О.Шүрэнцэцэг
2020/01/20

УИХ-ын гишүүн Н.Номтойбаярын бүрэн эрхийг түдгэлзүүлэх асууд­лыг  Улсын Ерөнхий прокурор Б.Жаргалсайхан УИХ-д оруулж ирлээ.  Улмаар өнгөрсөн баасан гаригт Халдашгүй байдлын дэд хороо хуралдах байсан ч ирц нь бүрдээгүй. Халдашгүй байдлын дэд хороо нь таван хүний бүрэлдэхүүнтэй.  Түүнээс УИХ-ын гишүүн Д.Лүндээжанцан, Ч.Улаан нар эзгүй байв. УЕП-оос ирүүлсэн саналыг 48 цагийн дотор шийдэх хуулийн заалттай ч  гишүүдийг ирсний дараа дахин хуралдаж, шийдвэрээ гаргахаар болсон. Ийнхүү гишүү­ний бүрэн эрхийг түд­гэлзүүлэх эсэх асуудал асуултын тэмдэгтэйгээр өнөөдөртэй золгож байна.  Н.Номтойбаярын асуудал энэ долоо хоногт нэлээд өндрөө  авах болов уу.

Ер нь Н.Номтойбаярын бүрэн эрхийг түдгэлзүүлэх тухай нэлээд эртнээс яригдаж байв.  Тэрээр өөрөө ч “Намайг Г.Батхүү агсны хэрэгтэй хол­боо­тойгоор мөрдөн бай­цаалтын нууц задруулсан, Хөдөлмөр эрхлэлтийг дэмжих сангаас гишүүдэд зээл өгсөн асуудлаар хуулийн байгууллагаас түдгэлзүүлэх бичиг барих гэж байна.  Чаддаг юм бол түдгэлзүүлчих” хэмээн мэдэгдэл хийж байсан удаатай.

Тэрнээс хойш хэсэг хугацаа өнгөрч,  энэ асуудал улс төрийн хөшигний ард  хөвөрсөн байдаг. Түүнчлэн түдгэл­зүүлэх үндэслэлийг ги­шүүн өөрөө дээрх байд­лаар тайлбарлаж байсан ч одоог хүртэл албан ёсны  баримт ил болоогүй.  Улсын ерөнхий прокурор Б.Жаргалсайхан  мөрдөн байцаалтын нууцтай хол­боотой асуудал учраас мэдээлэх боломжгүй гэсэн байдаг.  Тэгэхээр түүнийг ямар үндэслэлээр түдгэлзүүлэх гэж байгаа нь тодорхой болоогүй байна.

Түүнчлэн УИХ-ын гишүүн Н.Номтойбаяр намын даргатайгаа тийм ч таарамжтай байдаггүй.   Ерөнхий сайд У.Хүрэлсүхийг огцруулах эсэх асуудлыг хэлэлцсэн чуулганы хуралдаан дээр тэд ам мурийж байв.  Түүнээс хойш хоорондоо учраа олоогүй, уулзаагүй яваа гэхэд болно. Тухайн үед УИХ-ын гишүүн Н.Номтой­баяр  “Надаас хууль бус зүйл битгий шаардаарай гэж та Ерөнхий сайд болохдоо хэлж байсан.  Та ЖДҮ-чин сайд нараасаа салаач. Хуулийн хэрэгжилтийг яагаад хангахгүй байгаа юм бэ.  Мөн 30 гэр бүл гэж яг хэн юм бэ. Яг одоо би нэрсийг нь сонсмоор байна. Би үүнд орж байгаа юу” гэхэд  Ерөнхий сайд У.Хүрэлсүх “Тэр 30 гэр бүлийн гишүүн нь та өөрөө мөн. Яагаад гэдгийг нь ард түмнээс асуу.

“МАК” компани 36 лиценз эзэмшдэг юм байна лээ. Энэ “Цагаан суварга” бол танай гэр бүлийн өмч биш, Монголын ард түмний хөрөнгө. Ганцхан айл 36 лиценз эзэмшихгүй ээ. Төрийн эрх ард түмний гарт байгаа. Авсан Цагаан суваргын лицензээ ард түмэндээ буцаагаад өгөөрэй” гэж хариулсан байдаг. Түүнээс хойш Н.Номтойбаярыг гишүүнч­лэлээс хасах шийдвэрийг МАН-ын Хяналтын хорооноос албан бусаар гаргаж байсан удаатай.

Түүнчлэн Үндэсний аюул­гүй байдлын зөвлө­лөөс зөвлөмж гаргаж, ул­сын төсвийн хөрөнгөөр нөө­цийг нь тогтоосон 400 орчим ордын лицензийг төрд эгүүлэн авна. Тэр дундаа Цагаан суваргын лицензийг төрд авч, ашиг хуваахаар болсон талаар тухайн үед ЕТГ-ын дарга З.Энхболд ярьж байсан удаатай.

Түүнээс хойш хэсэг хугацаа өнгөрсний дараа Н.Номтойбаярыг эгүүлэн татах асуудал орж ирлээ. Мөн 2020 оны УИХ-ын сонгуулийн өмнөхөн Н.Номтойбаярын асуудал орж ирж байгаа нь анхаарал татаж байна. Түүний бүрэн эрхийг түдгэлзүүлэх асуудлыг УИХ энэ удаа буцаасан ч МАН сонгуульд өрсөлдөх мандат өгөх эсэх нь эргэлзээтэй. Тэгэхээр улс төр хөшигний ард ямар тохироо явагдсан,  МАК, МАН-ын дарга хоёрын хэн нь дийлэх нь энэ асуудлаас харагдахаар байна.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Б.Жавхлан: Банкны эздийн эрсдлийг хүлээж татвар төлөгчдийн мөнгөөр зээлийг нь тэглэх боломжгүй 27 минутын өмнө
​Н.Алтантуяа: Би залилагч биш, миний зургийг ашиглаж хүмүүсээс 5 сая төгрөг залилсан байна 38 минутын өмнө
Д.Өнөрболор: Яагаад Хаан банк малчдын зээлийг хойшлуулахгүй байна вэ 41 минутын өмнө
Хонь хариулж явсан 13 настай охины амь насыг хохироосон этгээдэд бүх насаар нь хорих ял оноожээ 1 цагийн өмнө
Г.Дамдинням: Гурилын үнийг буулгах ёстой ч цаана нь тариаланчдаа яаж хамгаалах вэ? 2 цагийн өмнө
''Ногоон автобусны хэрэг''-ийг шалгах түр хороог Ж.Бат-Эрдэнэ даргална 2 цагийн өмнө
МҮЭХ-ны удирдлагууд АН-ын удирдлагын багт 2024 оны сонгуулийн мөрийн хөтөлбөрт тусгах иргэдийн саналыг хүргүүлж санамж бичигт гарын үсэг зурлаа 2 цагийн өмнө
Б.Серик: Ид барилдах насандаа алдаа гаргасандаа харамсаж байна, өнөөдөр барилдах сайхан байна 2 цагийн өмнө
Маргаашаас эхлэн Булган руу 32 мянга, Хөвсгөл рүү 59 мянгаар зорчино 3 цагийн өмнө
Зуднаар бүх малаа алдсан малчин өрх 342 байна 4 цагийн өмнө
П.Сэрдамба: Э.Цэндбаатарыг олимпын сорилд оролцуулах эсэхийг удирдах зөвлөлөөр шийднэ 5 цагийн өмнө
Гуравдугаар сарын нийгмийн даатгалын халамж, тэтгэвэр, тэтгэмж олгох ХУВААРЬ 5 цагийн өмнө
ЦУОШГ: Гуравдугаар 22-нд баруун, 23-нд төв, зүүн аймгийн нутгаар цасан шуурга шуурна 6 цагийн өмнө
Өнөөдөр цахилгааны хязгаарлалт хийх байршлууд 6 цагийн өмнө
Улсын хэмжээнд 4.7 сая толгой мал хорогджээ 6 цагийн өмнө
Өнгөрсөн шөнө 180 хүн эрүүлжүүлэгдсэнээс 6 нь эмэгтэй хүн байжээ 6 цагийн өмнө
Төв цэнгэлдэхийн газраас бусдад олгох захирамж гаргасан үе үеийн Засаг дарга нарыг АТГ-т шалгуулна 8 цагийн өмнө
Чингэлтэй дүүргийн зарим хорооны холбогдох хэсэгт өөрчлөлт оруулна 8 цагийн өмнө
1072 хувьцааны 2023 оны ногдол ашгийг ирэх сард олгоно 8 цагийн өмнө
Машин цасанд сууж, зорчиж явсан дөрвөн хүний нэг нь энджээ 8 цагийн өмнө