УИХ-ын гишүүн Н.Номтойбаярын бүрэн эрхийг түдгэлзүүлэх саналыг Улсын ерөнхий прокурор Б.Жаргалсайхан өнгөрсөн долоо хоногт УИХ-д хүргүүлсэн билээ. Уг саналыг УИХ-аар 48 цагийн дотор хэлэлцэн шийдвэрлэх хуультай. Гэсэн ч өнгөрсөн баасан гарагт УИХ-ын Халдашгүй байдлын дэд хорооны гишүүдийн ирц хангалтгүй байсан тул хуралдааныг өнөөдөр үргэлжлүүлэхээр хойшлуулсан юм. Тодруулбал, Халдашгүй байдлын дэд хорооны гишүүн Д.Лүндээжанцан, Ч.Улаан нар гадаадад томилолттой байсан бөгөөд бүх гишүүний саналаар асуудлыг шийдвэрлэхээр болсон.
Тэгвэл өнөөдөр ч бас тус дэд хорооны гишүүдийн ирц хүрээгүй байна. Учир нь ХХААХҮ-ийн сайд Ч.Улаан томилолтоос ирээгүй аж. Тиймээс хурлыг тодорхойгүй хугацаагаар хойшлуулжээ.
УИХ-ын Халдашгүй байдлын дэд хороог ХЗДХ-ийн сайд Ц.Нямдорж ахалж, бүрэлдэхүүнд нь Шадар сайд Ө.Энхтүвшин, БХ-ын сайд Н.Энхболд, ХХААХҮ-ийн сайд Ч.Улаан, УИХ-ын гишүүн Д.Лүндээжанцан нар багтдаг.
Сэтгэгдэл (0)
Сэтгэгдэл бичигдээгүй байна