Энэ оны нэгдүгээр сарын 16-17-нийг шилжих шөнийн 05:50 цагийн орчим Хан-Уул дүүрэг Их Монголын гудамжинд асфальтан замд “Toyota Premio” маркийн А жолоочтой автомашин, “Mercedes” Benz маркийн А жолоочтой автомашинтай мөргөлдөж, жолооч 45 настай, эрэгтэй, А нас барсан ноцтой осол гарсан. Осол гаргасан “Mercedes Benz” маркийн автомашиныг жолоодож явсан А гэх хүн нь залуу жүжигчин Г.Ананд байсан тухай мэдээлэгдэж эхэллээ.
Тэрбээр осол хийх үедээ согтууруулах ундааны зүйл хэрэглэсэн байсан гэх мэдээлэл байна. Харин мөргүүлсэн Toyota Premio маркийн автомашины жолооч газар дээрээ амиа алдсан юм. Г.Анандын хувьд “Single ladies-3” кинонд тоглосноор жүжигчний карьер нь эхэлж, олны танил болсон нэгэн билээ.
Сэтгэгдэл (0)
Сэтгэгдэл бичигдээгүй байна