Масузой Ёичийг 2014 оноос Япон улсын нийслэл Токио хотын даргаар сонгогдон ажиллаж байсан. Түүнийг татвар төлөгчдийн мөнгөнд хайр гамгүй хандсан, төсвийн мөнгийн хувьдаа зарцуулсан, албаны машиныг хувийн хэрэгцээнд ашигласан гэдгээр тус хотын иргэд буруутгаж хатуухан шүүмжилж эхэлжээ. Тиймээс Токио хотын дарга Масузой Ёичи нь 2016.6.15 нд ажлаасаа огцрох өргөдлөө өгсөн юм. Түүнийг огцруулах болсон дөрвөн шалтгааныг хүргэе.
Нэгдүгээрт: 2015 онд Лондон, Парис хотруу албан ажлаар явахдаа онгоцны үнэтэй бизнес ангилалын суудлаар үйлчлүүлсэн.
Хоёрдугаарт: 2015 оны 5 сараас нэг жилийн хугацаанд ажил, гэрийнхээ хооронд албаны машиныг унаж ашигласан.
Гуравдугаарт: Шинэ жилийн үеэр гэр бүлээрээ зочид буудалд амрахдаа 370 мянган иенийг төсвийн мөнгөнөөс төлсөн. Дөрөвдүгээрт: Төсвийн мөнгөөр уран зураг худалдан авч ажлын оффисоо тохижуулсан.
Сэтгэгдэл (0)
Сэтгэгдэл бичигдээгүй байна